blogue deadmin

O pasado martes, 25 de outubro, o alumnado de 1.º bacharelato realizou a trandicional actividade dunha etapa do Camiño de Santiago para comezar con ganas todo curso deportivo que lles queda por diante. Nesta ocasión foron algo máis de 15 quilómetros entre Palas de Rei e Melide.

A xornada de folga tivo un seguimento
no día de hoxe, 26 de outubro,
do 99% do alumnado.

Esta mañá recibimos a visita de Adrián Lorenzo, antigo alumno. Falou do Ciclo Superior de Animación de Actividades Físicas e Deportivas co alumando da materia optativa de Actividade Física de 2º. bacharelato.

Esta semana comezaron dúas actividades importantes para dinamizar os recreos. Por unha banda, o Plan Deportivo de Centro cos torneos deportivos que arrincaron co Fútbol Sala. E por outra, o programa Recreos Saudables. Trátase dunha iniciativa patrocinada pola ANPA O Castro e o Concello de Mugardos que ofrece aos usuarios da cafetaría escolar unha alimentación controlada. Por exemplo, dá visibilidade ao consumo de froita e productos lácteos. Comezamos cuns dez alumnos/as apuntados e esperamos aumentar o número de familias interesadas nas próximas semanas.

Nas tardes do 5 ao 7 de outubro tivemos a sorte de acoller no Salón de Actos do instituto as XIV Xornadas de Igualdade organizadas polo Concello de Mugardos. Nesta convocatoria estiveron dedicadas á coeducación.

 A escola coeducativa crea un ambiente de convivencia no que tanto os homes coma as
mulleres teñen a oportunidade de intrerpretar con liberdade a súa difereza sexual,
masculina e feminina, e crecer cara a a unha cidadanía responsable e democrática.
Unha cidadanía que se relaciona dende a convivencia pacífica e está comprometida
contra calquera tipo de discriminación... (Educando en igualdade FETE-UXT)

Para o traballo co alumnado, as Xornadas puxeron a disposición do centro a mostra fotográfica e “Entre iguais. Eu quero ser…” e a visita de Pamela Palenciano  co seu potente testemuño dramatizado “No solo duelen los golpes” sobre a violencia de xénero no noivado e na sociedade en xeral.

Unha vez máis agradecemoslle ao Concello a súa colaboración coa tarefa educativa do instituto e o proxecto de centro que este curso versará sobre a igualdade de xénero e a visibilización das mulleres.

Preme na imaxe para ampliar a información sobre o programa e a inscrición

Isabel Rodríguez-Moldes Rey, vicerreitora de investigación e innovación da USC, catedrática de Bioloxía molecular, de orixes mugardesas, impartiu a lección inaugural para o alumnado de bacharelato. Moitas grazas por esta lección de entusiamo e esforzo por acadar a felicidade do coñecemento. Salientamos, coa nosa orientadora Sientopiensosoy as seguintes mensaxes:

1. A importancia das aficcións que logo poden convertirse en vocacións e finalmente en profesións.

2. A reprogramación como resposta cando nos equivocamos. Non pasa nada se, por exemplo, scollemos unha titulación e logo nos damos conta de que non é o noso, sempre podemos reprogramarnos tal e como fan as células na natureza.

3. A importancia da familia,  das amizades e como non do profesorado que nos acompaña nisto de formarse e aprender.

4. O esforzo persoal e a ilusión para aprender, necesarias para cumprir metas (ollo, dependen dun mesmo/a)

A tarde do martes tivo lugar a recepción da dirección ás familias.

Agradecemos a asistencia que un ano máis encheu o Salón de Actos e transmitiu

o compromiso de todos na tarefa común da educación dos nosos alumnos e alumnas.

Feliz curso.

 LIBROS DE TEXTO
Relación de libros de texto e material didáctico
para o curso 2016-2017

O equipo do IES de Mugardos en representación da camunidade autónoma de Galicia vén de gañar a fase nacional do concurso  “Incubadora de Sondeos y Experimentos” na categoría de bacharelato. A exposición oral diante do xurado realizouse onte, 30 de xuño, na cidade de Badajoz.

A profesora de matemáticas Covadonga Rodríguez-Moldes coordinou o traballo das alumnas Inés Díaz, Sara Vázquez, Cintia Pérez, Marta Pérez. O estudo, que leva o título de ¿Mens sana in corpore sano?, aborda a relación entre os resultados académicos e a actividade física na poboación escolar. Entre as súas conclusións salientan as seguintes:

Para chegar a estas conclusións baseáronse nos datos estatísticos fornecidos polo alumnado do centro e a base de datos dos nosos Premios Estudo e Deporte.
O IES de Mugardos co traballo da profesora Covadonga ten acadado o recoñecemento na fase galega en numerosas ocasión. Nesta edición é a primeira vez que gañamos a fase nacional. O premio escolar Incubadora é un dos de maior prestixio en toda España no eido das matemáticas.

Parabéns a todas!!!

O pasado venres, 17 de xuño, catro alumnos de 2.º bacharelato participaron na VII edición da Olimpíada de Economía. As probas desenvolvéronse na Facultade de Ciencias Económicas da Universidade de Vigo. Desde aquí o recoñecemento ao esforzo realizado polos alumnos e a profesora, Mara Meiriño.

Comprácenos informar dos gañadores e mencións especiais dos Premios Estudo e Deporte que patrocina o IES de Mugardos e mais os Concellos de Mugardos e Ares, a ANPA O Castro e o Club do Mar e a SDC Galicia de Mugardos, coa colaboración indispensable de ata 35 entidades deportivas e asociacións de Ferrolterra.  Entre todos queremos poñer en valor a capacidade de organizarse e de programar o tempo con eficacia para render positivamente nos estudos e na actividade física.
 
Os alumnos e alumnas do IES de Mugardos premiados nesta ocasión acadaron unha media moi elevada na fase de baremación, segundo os criterios que se poden consultar nas bases. Tamén queremos  facer chegar o noso recoñecemento  a todas as familias que asumen con dedicación a tarefa de facilitar a práctica de calquera tipo de actividade física dos seus fillos.
 
Esta iniciativa dos Premios Estudo e Deporte está incluída no Plan Proxecta e nos Contratos-Programa para a mellora da excelencia que promove a Consellería de Educación.  Este ano acada xa  a súa quinta edición. Queremos nesta ocasión compartir con todas as entidades colaboradoras o recoñecemento máximo que para nós foi a concesión ao IES de Mugardos do Premio Galicia Saudable á entidade educativa destacada no fomento e promoción da actividade física e hábitos de vida activa.
 
A entrega dos Premios Estudo e Deporte realizarase o día 22 de xuño como colofón ao Acto Cultural de fin de curso.