BASES CONCURSO FOTOGRAFÍA MATEMÁTICA. CURSO 2016/17
1.- QUEN PODE PARTICIPAR?: Está aberto a todos os membros da comunidad educativa.
2.- TEMA: O tema das fotografías ten que estar relacionado co mundo das matemáticas, nas súas múltiples manifestacións (figuras xeométricas, mosaicos, simetrías, fractais, gráficas e funcións, cálculo numérico, fraccións, sucesións, estatística, azar,...)
3.- OBXECTIVOS: Obxectivo principal: Resaltar a presenza constante ao noso arredor de elementos matemáticos.
· Pór de manifesto a súa utilidade na vida cotiá.
· Traballar as matemáticas como unha ferramenta útil para interpretar a vida real.
· Que o alumnado, e en xeral a comunidade educativa do centro, recoñezan os conceptos matemáticos do seu entorno máis inmediato.
· Mellorar a autoestima do alumnado.
· Que o alumnado poida valorar a beleza das matemáticas e mellorar así a súa valoración, tanto persoal como social.
· Fomentar o espírito crítico do alumnado.
· Desenvolver a competencia artística e creativa do alumnado.
· Desenvolver o uso das novas tecnoloxías.
4.- PRESENTACIÓN: Pódense entregar ata un máximo de 5 fotografías, en formato dixital, ao correo electrónico: fotografiamatematicaiescoruxo@gmail.com. Ademáis da foto, deberase entregar un arquivo de texto con título, así como unha breve explicación na que se aclarará o concepto matemático ao que fai referencia a imaxe. Na parte superior irá o título, despois a imaxe en miniatura da foto, indicando o lugar concreto onde foi sacada e na parte inferior, a descrición ou comentario. Por último irá o nome completo do concursanteasí como o papel que desempeña no centro educativo (no caso dos alumnos sinalarán o curso e o resto dos membros da comunidade educativa sinalarán a súa vinculación co centro: conserxes, administrativos, persoal de limpeza, cafetería, AMPAS, profesorado…)
5.-PRAZO: O prazo de presentación remata o 1 de xuño de 2017.
6.- XURADO: Estará formado por profesorado do Dpto. de Matemáticas e valorarán a orixinalidade e idoneidade do título, o seu contido matemático e a explicación dada así como a calidade plástica e técnica da imaxe.
7.- PREMIOS:
Para os alumnos establécense 2 premios:
· O primeiro premio será de 30 euros en material escolar, 2 entradas de cine e 1 vale para unha comida na cafetería do instituto.
· O segundo premio será de 20 euros en material escolar, 2 entradas de cine e 1 vale para unha comida na cafetería do instituto.
NOTA: Un mesmo alumno/a non poderá acumular máis dun premio.
Para o resto dos membros da comunidad educativa establécese un único premio consistente en 2 entradas de cine.
8.- USO DAS IMAXES: O Dpto. resérvase o dereito a utilizar as fotografías presentadas para usos didácticos.
9.- AUTORÍA DAS IMAXES: As fotografías deben ser orixinais e en ningún caso se aceptarán fotos descargadas de Internet, nin escaneadas de ningún tipo de medio gráfico. O Dpto. comprobará minuciosamente a autoría de todas as fotos premiadas esixindo ao concursante que demostre a autoría das mesmas. Non se acepta tampouco, ningún tipo de retoque fotográfico que cambie o contido da mesma.
