Actividades Complementarias e Extraescolares

Entre o 5 e o 9 de abril o alumnado de 4º ESO desfrutou do seu viaxe de fin de etapa: unha viaxe cultural e lúdica a Barcelona, Tarragona e tamén Port Aventura, combinando diferentes tipos de actividades.

O primeiro e o segundo día o alumnado visitou Barcelona (Montjuïc e os seus atractivos como o seu castelo, o Estadio Olímpico ou o Poble Espanyol, ademais de visitar o Park Güell de Gaudí) e Tarragona e os seus sitios declarados Patrimonio da Humandiade, entre eles os xacementos romanos.

No terceiro e cuarto día a visita tornou máis lúdica e desfrutaron das atraccións de Port Aventura e Ferrari Land, onde pasaron todo o día desfrutando das distintas atraccións e pasando unas bonitas xornadas de conviviendo entre el@s e co profesorado acompañante.

Xa no derradeiro día visitáronse outros atractivos da capital catalana, como o casco antigo e o Aquarium, ademáis do seu paseo marítimo.

Cinco intensos días no que se combinaron todo tipo de actividades e que, sobre todo, serviron para fortalecer a convivencia entre o alumnado neste último curso da etapa da ESO.

A viaxe foi organizada pola ANPA, que buscou posibles destinos (entre os cales votouse nunha asamblea de país e nais de 4º ESO), deseñou e organizou as actividades para que o alumnado puidese financiarse (venta de rosquillas e outros, venta de colonias, venta de rifas, venta de doces e choripanes en distintas celebración do Instituto, etc.), asesorou ó Instituto con cuestións burocráticas, difundiu o día a día da viaxe, etc.

O pasado 10 de abril alumnado de 4º da ESO asistiu á representación da obra "La casa de Bernarda Alba" no cine Salesianos de Vigo.

Esta obra de Federico García Lorca (poeta, dramaturgo e prosista da xeración do 29), desenvólvese en tres actos e trata temas como a opresión e a sociedade patriarcal da España de principios do século XX.

A actividade, programada polo departamento de Lingua Castelá e Literatura, é a representación dun libro que lerán no 3º trimestre na materia de Lingua Castelá e supón unha oportunidade para motivar á lectura desta obra, unha vez vista a representación teatral.

O pasado 3 de abril alumnado de 4º ESO tivo a oportunidade de visitar ó Parque Eólico Experimental de Sotavento en Xermade (Lugo).

Nada máis chegar ó Parque, un dos guías explicoulles como se fixan os prezos no mercado eléctrico en España e a importancia das enerxías renovables no mercado enerxético actual.

A continuación puideron ver diferentes partes desmontadas dun aeroxerador de vento (motor, palas, góndola, etc.) para, posteriormente, visitar un aeroxerador do Parque por dentro.

Para rematar, visitaron unha vivenda bioclimática. A vivenda está deseñada para maximizar o aforro enerxético: orientación da vivenda, materiais utilizados, etc.

Finalizada a visita, xantaron nas instalacións do Parque.

Con esta actividade puideron comprender as achegas da física e a tecnoloxía a un desenvolvemento máis sostible do noso planeta.

O pasado mércores 20 de marzo tivemos a fortuna de que nos informasen de primeira man sobre os graos que se imparten na Facultade de Educación e Traballo Social e para iso contamos co Decano, coa Vicedecana e profesorado da facultade.

A charla tivo lugar no salón de actos do Instituto e estivo dirixida ó alumnado de 1º Bacharelato e ó alumnado de Humanidades e Ciencias Sociais de 2º Bacharelato.

Maxisterio de Infantil e Primaria e Edicación e Traballo Social son graos históricamente moi demandado polo noso alumnado, por iso que mellor que ter os que mellor nos poden informar deste tema no noso Instituto.

Agradecemos dende aquí á presencia da “plana maior” da Facultade para informar e resolver tódalas dúbidas ó noso alumnado interesado. Grazas!

O pasado 28 de febreiro alumnado de 2º e 4º ESO de francés acudiu ó Centro Cívico de Beade para presenciar a obra de teatro en francés “Les Trois Mousquetaires”.

O alumnado puido desfrutar deste clásico de Alexandre Dumas adaptado cunha visión máis moderna e actual e puideron compartir impresións cos actores da obra de teatro.

No feedback co alumnado, o profesorado puido comprobar que entenderon gran parte da obra e que lles serviu para ser conscientes de que son capaces de comprender bastante máis do que eles mesmos pensan.

O pasado 23 de febreiro alumnado de 3º ESO participou en diferentes experimentos de combustión na Escola de Enxeñería de minas e enerxía da Universidade de Vigo.

A partir de diferentes explicacións sobre a combustión e en grupos de 25 alumnos/as, fixéronse diferentes experimentos nos que puido participar e manipular obxectos o propio alumnado.

Con este tipo de actividades, trátase de reforzar os coñecementos adquiridos na aula dun xeito práctico e divertido, apostando por metodoloxías no que o alumnado sexa o protagonista do seu propio aprendizaxe. Esta é a liña que buscamos para os próximos cursos.

O pasado 20 de febreiro, o alumnado de Latín de 4º ESO e 1º Bacharelato asistitu ó Festival de Teatro Grecolatino celebrado na cidade de Tui.

Tras unha visita guiada pola cidade fronteriza de Tui, ó seu casco vello e a súa catedral-fortaleza asistiron, no Teatro municipal de Tui, á obra de teatro de Antígona, de Sófocles. Logo, para xantar cruzaron a ponte ata Valença do Minho, ó outro lado da beira do Miño.

Experiencia cultural e “grecolatina” no IES Coruxo.