Como complemento das Xornadas de orientación vocacional sobre formación profesional para alumnado de 4° de ESO que se están levando a cabo no noso centro, o pasado martes 7 de maio visitamos o CIFP Manuel Antonio.
Nesta visita puidemos coñecer a oferta formativa, organización e instalacións deste centro de FP en Vigo. Comprobamos algúns dos espazos e talleres onde o alumnado realiza ciclos de grao medio e superior das familias profesionais de Hostalaría e turismo, Industrias alimentarias, Sanidade, Química e Téxtil, confección e pel.
