Actividades Complementarias e Extraescolares

O pasado día 9 de xaneiro o alumnado de 4º ESO participou nunha sesión científico-divulgativa da Universidade de Vigo, relativa a dependencia e a discapacidade

Neste sentido, a través dunha charla a cargo dun prestixioso investigador da UVigo e na que houbo unha gran interacción entre o poñente e o alumnado, trataron todo o relacionado coa dependencia e coa discapacidade, ademáis de comprender e recoñecer o que supón unha filosofía de vida independente e a atención planificada pola propia persoa.

A actividade está incluída dentro do programa do ciclo de charlas científico-divulgativas da Universidade de Vigo, orientados a centros de secundaria e formación profesional.

O pasado 20 de decembro o alumnado de 1º Bacharelato asistiu a unha ponencia sobre os efectos do cambio climático nas Illas Atlánticas como resultado dunha investigación pioneira levada a cabo pola Fundación Matrix.

Expuxéronse os datos sobre os efectos do cambio climático nas Illas Atlánticas, facendo especial fincapé en Coruxo e Chandebrito. Entre os datos expostos destacouse o aumento da temperatura entre o periodo 1961-1989 e 1991-2019, ademáis do aumento en case 4 os días de sol en setembro (de 7 a maís de 10 días)

Por último, destacáronse unha serie de medidas que podemos levar adiante para evitar, na medida do posible, o cambio climático, como é o fomento da movilidade sostible, promover as 3 R, potenciar o consumo de proximidade, promover o mantemento e coidado dos bosques ou evitar o despilfarro enerxético, medidas que podemos tomar dende o Instituto para iniciar unha xestión máis sostible do noso centro.

Temos claro que é iso do sexo? Necesitamos conseguir habilidades que nos permitan unha vivencia plena, responsable e constructiva da nosa sexualidade. e, con este motivo, organizáronse os obradoiros para tratar de dar formación afectivo-sexual ao noso alumnado, obradoiros que se levaron a cabo durante o pasado luns e xoves co alumnado de 3º ESO.

Nestes obradoiros tratouse de dar unha formación integral sobre sexualidade, destacando a importancia de ter unhas relacións afectivo-sexuais sanas, coñecendo a anatomía e fisioloxía sexual humana e informando sobre os diferentes métodos de protección e ITS.

Os obradoiros levanse a cabo dentro do programa Quérote + organizado pola Dirección Xeral de Xuventude, Participación e Voluntariado da Xunta de Galicia (http://xuventude.xunta.es/)

O alumnado de 4º ESO participou ao longo de 4 sesións de titorías nos obradoiros de reflexión e debate sobre adiccións e o consumo de drogas organizados dende o Concello de Vigo coa colaboración da Xunta de Galicia, dentro do seu programa de prevención de drogas e outras adicccións.

Segundo os datos recollidos polo Observatorio de Galicia sobre Drogas, a maior parte dos/das adolescentes inícianse no consumo de sustancias psicoactivas entre os 14 e os 16 anos, no caso do alcohol e o tabaco, e entre os 15 e 17 anos no do cannabis e a cocaína, idade do alumnado obxectivo.

Neste contexto e con estos obradoiros preténdese que os alumnos e as alumnas do noso Instituto sexan conscientes dos perigos do consumo de calquer tipo de droga, incluído o alcohol e o tabaco, prevenir o seu consumo e promover a adopción de estilos de vida saudables entre os/as adolescentes.

O alumnado de 3º ESO visitou durante os días 22 e o 29 de novembro a Casa Museo de Rosalía de Castro en Padrón, onde pudieron mergullarse no seu patrimonio arquitectónico, cultural e botánico.

Grazas a visita a Casa de Rosalía (“Miña casiña, meu lar!) e a exploración do seu parque botánico (“hortiña que quero tanto, figueiriñas que prantei”) pudieron comprender a importancia de Rosalía como referente e como figura central da cultura galega.

E por suposto grazas as nosas docentes do Instituto que fixeron de guías. E grazas tamén as xestións realizadas polo Departamento de Galego para que unha gran parte da visita fose financiada pola Deputación de Pontevedra.

"Airiños, airiños, aires, airiños levaime a ela. Sin ela vivir non podo, non podo vivir contenta".

Un grupo de alumnas de 1º Bacharelato e máis eu, a súa profesora de música, asistimos a un concerto ofrecido pola Real Filarmonía de Galicia, dirixida polo director suizo, Baldur Brönnimann. O repertorio, de 3 pezas de música clásica, foi exquisitamente interpretado pola orquestra.

Dúas das pezas son románticas, mentres que a terceira emprega unha sonoridade propia da música do século XX.

• “O idilio de Sigfrido” ( 1870), foi un agasallo de Richard Wagner á súa esposa, Cosima Liszt. Composta nun só movemento, o material temático é tomado de varias pezas do acto III da súa ópera “Sigfrido”.
• A Sinfonía nº3 “Singulière” (1845), do compositor sueco Franz Berwald, presenta 3 movementos ( Allegro- Adagio-Presto).Unha melodía optimista percorre os primeiro e terceiro movemento.
• “Schattenhaft” , composta polo música galego Hugo Gómez Chao, foi estreada neste día. Caracterízase polo emprego dunha linguaxe musical rupturista: ausencia da melodía, do ritmo, da tonalidade. Impera a disonancia, e a busca da experimentación sonora, coa finalidade de recrear unha atmósfera concreta, acadando un ambiente escuro e tenebroso.

Todos os instrumentos da orquestra están ó servizo da nova sonoridade, e non se executan do xeito tradicional. Son precisas novas técnicas instrumentais: a pianista manipula as cordas deste instrumento coas súas mans; na ampla sección de percusión ( 2 gongs, 2 marimbas, 2 bombos,..) , os músicos fan uso de obxectos para percutir os mesmos e obter timbres diferentes.

Como din dende a orquestra, “ esta peza musical traslada o universo poético dos corpos en resonancia ao mundo dos sons, xogando coa idea da ausencia, da presenza, da lembranza”.

Unha tarde-noite inesquecible para nós, profesora e alumnas

O martes 31 de outubro tivo lugar a entrega final de premios do Samaín no IES Coruxo cun acto final celebrado ao final da mañá.

A cerimonia consistiu na entrega de premios das diferentes categorías de relatos de medo en relación ao certame “En galego pasámolo de medo”, organizado polo Departamento de Dinamización Lingüística e polo equipo da Biblioteca.

Mención especial para o relato presentado por Leyre Álvarez de 1º Bacharelato, considerado como un relato de gran calidade por todos os membros do xurado avaliador.

Por outra banda, tamén se entregaron os premios de cabazas. As cabazas, como se pode observar nas fotos, foron de enorme orixinalidade e calidade. Este concurso tamén foi organizado polo equipo da Biblioteca.

Ademais, leváronse a cabo outras actividades como a maquillaxe terrorífica por parte de alumnado voluntario de 4º ESO a outros alumnos e alumnas que querían transformarse en seres realmente monstruosos ou as chulas de cabazas que elaboraron na materia de lingua francesa, ademais dos contos terroríficos que contaron nesa mesma clase.