Skip to Content

Actividades

A imaxe corporal e a alimentación saudable

Mér, 22/05/2024 - 16:00 — Anónimo

Relacionado co Plan Proxecta Nutriescolas, realizamos no centro uns obradoiros sobre alimentación saudable.  As charlas- taller sobre etiquetado dos alimentos e alimentación saudable desenvolvéronse en varios días para varios cursos. Contamos coa colaboración dunha ex-alumna que é nutricionista e veu ó instituto a   facer unhas charlas sobre o etiquetado dos alimentos e como facer eleccións responsables. En 4º curso contamos ademáis con unha psicóloga que falou da presión social sobre imaxe corporal e os transtornos de alimentación. No taller o alumnado fixo varios traballos que se recollen na seguinte presentación:

https://docs.google.com/presentation/d/1w8qv7_Kx4Mgyjl95JKKP5ldKV8TPnq2S...

 

Colaboracións coa Policía Local de Carral

Dom, 21/04/2024 - 00:00 — Anónimo

Durante o curso 2023/24 volvemos contar coa colaboración da policía local do Concello que se achegou ao centro para impartir un programa de Educación Vial (2º da ESO) e unhas charlas sobre ciberbulling (1º da ESO) e en colaboración coa Fundación MJ Jove un relatorio sobre drogas (3º da ESO).

Navega con rumbo no IES de Carral

Mar, 16/04/2024 - 19:00 — Anónimo

Un ano máis desenvolveuse no noso IES a charla do programa Navega con Rumbo para 1º da ESO.

 

Charla sobre drogadición na Fundación María José Jove

Xov, 11/04/2024 - 00:00 — Anónimo

O noso alumnado de 3º da ESO asiste hoxe a unha charla sobre drogas na Fundación María José Jove, grazas á colaboración da Policía Local de Carral.

Obradoiro de Educación Sexual para 3º e 4º da ESO

Ven, 05/04/2024 - 19:00 — Anónimo

Durante o mes de abril de 2024 desenvolverase nas titorías de 3º e 4º da ESO un taller de Educación Sexual. Este taller facilítanolo o Concello de Carral.

O proxecto será guiado por Noelia Darriba García (Atalaia Social): Educadora Social e Psicopedagoga Terapeuta familiar sistémica; Máster en Terapia do Reencontro; Posgrao en Educación Emocional USC; formación en novas metodoloxías socioafectivas, Mindfullnes en aula…

Educación afectivo-sexual e asesoría de sexualidade para alumnado de secundaria e sensibilización sobre miscromachismos para alumnado de 3º-4º da ESO.

 

Obradoiros Talento mozo no IES de Carral

Mar, 19/03/2024 - 18:00 — Anónimo

O luns 18 de marzo celebráronse no noso centro os Obradoiros Talento Mozo 2024 para alumnado de 4º da ESO. É un programa de educación non formal no ámbito educativo que se desenvolve a través de obradoiros participativos. Neles, déronse a coñecer as experiencias profesionais e de vida de diferentes mozas e mozos galegos para inspirar o alumnado de educación secundaria obrigatoria. Por iso, neste proxecto contamos coa participación de mozas e mozos galegos, que falarán da súa experiencia no ámbito da formación, da incorporación ao mercado laboral e, sobre todo, da súa experiencia de vida.

 

Día da Muller tamén en Carral

Lun, 11/03/2024 - 19:45 — Anónimo

O venres 8 de marzo parte do noso alumnado do Club de Lingua e Lectura de 3º da ESO, tomou a voz no pleno do Concello de Carral para dar voz á reivindicación das mulleres. Decidímonos por traballar o humor gráfico e os dereitos das mulleres.

 

A muller na banda deseñada

Dom, 10/03/2024 - 16:00 — Anónimo

Desde o Equipo de Biblioteca celebran o Día da Muller coa exposición, "Personaxes femininas da banda deseñada e da ilustración". Estará todo o mes de marzo exposta no centro para traballala nas titorías.

Día da Muller e a Nena na Ciencia

Ven, 08/03/2024 - 11:52 — Anónimo

Cinema con perspectiva

Mar, 20/02/2024 - 12:00 — Anónimo

O IES de Carral, co alumnado de 1ºC, é un dos 40 centros que participa no programa Cinema con Perspectiva. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento dos estereotipos sexistas presentes na narrativa do cinema e noutras formas de expresión audiovisual.

https://www.xunta.gal/es/notas-de-prensa/-/nova/86576/total-40-centros-participan-este-curso-programa-cine-con-perspectiva

 

Distribuir contido


by Dr. Radut