No DOG do 20 de maio, publicouse a orde pola que se regula a participación no fondo solidario de libros de texto e as axudas para a adquisición de material escolar para o curso 2021/2022.
Nos arquivos que se achegan poden consultar a información correspondente e atopar o impreso de solicitude. Calquera dúbida será atendida no teléfono 881960480 ou no enderezo electrónico ies.carral@edu.xunta.gal
O prazo de presentación de solicitudes remata o 22 de xuño de 2021 (este incluído).
As solicitudes presentaranse preferiblemente por vía electrónica nos formularios normalizados dispoñibles na aplicación informática Fondolibros (https://www.edu.xunta.es/fondolibros) a través da sede electrónica da Xunta de Galicia (https://sede.xunta.gal)
Para a presentación de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e Chave 365 (https://sede.xunta.gal/chave365)
IMPORTANTE: Opcionalmente, poderanse presentar as solicitudes no centro docente ou en calquera dos lugares e rexistros establecidos na normativa reguladora do procedemento administrativo común. Para a súa presentación no IES de Carral deben ter en conta os seguintes aspectos:
- É necesario solicitar cita previa no 881960480 ou no correo electrónico ies.carral@edu.xunta.gal
- Deben entregar debidamente cuberto e asinado o impreso de solicitude.
- Lembren entregar a documentación complementaria (non se farán copias no centro).
| Anexo | Tamaño |
|---|---|
| CIRCULAR INFORMATIVA FONDO.odt | 125.29 KB |
| Anexo I.pdf | 1.74 MB |
| Anexo II.pdf | 1.14 MB |
