Departamento de Tecnoloxía

TALLER DE INTRODUCIÓN Á PROGRAMACIÓN

Enviado por Anónimo o Xov, 01/10/2015 - 17:31

O día 15 de outubro tivo lugar no IES de Brión a actividade "Talleres de introdución á programación", para o alumnado de 2º e 3º de ESO dentro do programa DÍA DO CÓDIGO NO TEU COLE. EDUCAR PARA INNOVAR, da SEMANA EUROPEA DA PROGRAMACIÓN, organizada pola Deputación da Coruña, a UDC e Europe Direct.

A nova na prensa:

El Correo gallego, publicou: "A semana europea da programación busca desde Brión talento"

Código cero, publicou: "Un cento de estudantes de Brión metéronse de cheo na programación"

XIV XORNADAS DE TECNOLOXÍA

Enviado por Anónimo o Mér, 03/06/2015 - 23:00

O IES de Brión acolle os días 5 e 6 de xuño as XIV XORNADAS DE TECNOLOXÍA organizadas por APETEGA, Asociación de Profesorado de Tecnoloxía.

As xornadas inclúen visitas didácticas ao Complexo Medioambiental do Barbanza e a FINSA, obradoiros prácticos, conferencias e comunicacións.

Programa das xornadas

ALUMNADO DE 4º PARTICIPA NO 7º OBRADOIRO-CONCURSO GALEGO DE ROBÓTICA

Enviado por Anónimo o Sáb, 31/01/2015 - 21:23

Start: 02/02/2015 16:00

End: 02/02/2015 18:00

Un grupo de alumnos/as de 4º de ESO de Tecnoloxía, participa no 7º obradoiro-concurso galego de robótica, organizado por Igaciencia e a Fundación Barrié.

A participación do alumnado do noso instituto terá lugar o vindeiro luns 2 de febreiro de 16:00 a 18:00 horas na sede da Fundación Barrié en A Coruña.

Información sobre a actividade vía: educaBarrié

A nova na prensa:

Calendario

VISITA A SOTAVENTO

Enviado por Anónimo o Dom, 19/10/2014 - 00:31

Os departamentos de Tecnoloxía e Bioloxía organizamos a visita ao Parque eólico experimental de Sotavento para o alumnado de 3º de ESO o pasado día 17 de outubro, para o estudo das enerxías renovables e coñecer o funcionamento dunha vivenda bioclimática.

COCIÑAS SOLARES. DE NOVO!

Enviado por admin o Mér, 18/06/2014 - 22:34

Departamento de Tecnoloxía

O pasado luns 16 de xuño o alumnado de 3º ESO, 4º ESO e 1º Bach participou nunha sesión de traballo ao redor da construción e uso de cociñas solares organizada polos departamentos de Tecnoloxía e Debuxo.

Nesta sesión desenvolvéronse diversos aspectos teóricos e técnicos sobre este tipo de cociñas solares con reflector parabólico, e ao fin tivemos tamén a oportunidade de compartir un chocolate feito nunha delas.

Estas cociñas foron construídas por alumnado de bacharelato que cursou Tecnoloxía Industrial I e Debuxo Técnico I nos cursos 2009/10 e 2012/13.

Máis información sobre os proxectos en:

SOBRE GALICIA INDUSTRIAL

Enviado por Anónimo o Xov, 24/04/2014 - 17:49

O IES de Brión acolle desde o 22 de abril ata o 6 de maio a exposición "Sobre Galicia Industrial".

A exposición forma parte do proxecto Intercentros de de educaBarrié do 2013, "Sobre Galicia Industrial" , que xorde a partir da exposición orixinal da Fundación Barrié "Galicia Industrial". Galería de imaxes da exposición orixinal. Documental da exposición "Galicia Industrial"

Para máis información sobre o proxecto podes ver o seguinte vídeo:

VISITA Á CASA DAS CIENCIAS, MUNCYT E ACUARIO

Enviado por Anónimo o Xov, 20/03/2014 - 17:10

Os departamentos de Ciencias da Natureza e Tecnoloxía organizamos na cidade de A Coruña as visitas a:

Casa das Ciencias

MUNCYT, Museo Nacional de Ciencia e Tecnoloxía

Acuario

para o alumnado de 2º de ESO, o martes, 1 de abril do 2014, de 8:30 a 17:55 horas

VISITAS A CENTROS DE INVESTIGACIÓN

Enviado por Anónimo o Mér, 19/03/2014 - 00:57

O alumnado de Ciencias de Bacharelato visita durante esta semana varios centros de investigación do Campus Vida da Universidade de Santiago de Compostela:

O alumnado de Tecnoloxía Industrial I, o 19 de marzo visita o CITIUS ( Centro Singular de Investigación en Tecnoloxías da Información) e o CIQUS ( Centro Singular de Investigación en Química Biolóxica e Materiais Moleculares)

O alumnado de Bioloxía de 1º e 2º de Bacharelato, visita o 21 de marzo o IDIS ( Instituto de Investigación Sanitaria de Santiago de Compostela)

ENERXÍAS RENOVABLES EN SOTAVENTO

Enviado por Anónimo o Lun, 25/11/2013 - 10:58

Start: 03/12/2013 08:35

End: 03/12/2013 17:30

Os departamentos de Bioloxía e Tecnoloxía organizan a visita ao parque eólico experimental de Sotavento para o alumnado de 3º de ESO o vindeiro martes, 3 de decembro do 2013. O parque eólico da a coñecer as enerxías renovables, contando con:

Maquetas e equipos enerxéticos: pila de combustible, enerxía eólica, hidráulica, solar, aforro e eficiencia enerxética.
Instalacións reais: enerxía eólica, solar térmica e fotovoltaica.
Paneis explicativos: todas as enerxías renovables, aforro e eficiencia.
Vivenda bioclimática: Proxecto Cooperativo Científico Tecnolóxico, Singular e de Carácter estratéxico de Demostración da viabilidade Técnica e Económica do uso Eficiente da Enerxía na Edificación ENVITE.