A nosa é unha escola participativa, pois cremos que profesorado, familias, nenas e nenos, outros grupos sociais (como a asociación cultural,os centros de maiores da parroquia, a escola de primaria, ...,), cada quen dende a súa perspectiva e contexto pode aportar e enriquecer o desenvolvemento educativo do noso alumnado e axudar no seu crecemento.
As familias participan connosco en:
Dúas veces no curso, en Nadal e a final de curso, este equipo representa un conto adaptada a texto teatral; en Nadal con títeres; a Finais de Curso,como función teatral.
No Entroido este grupo elabora o meco da escola e o día do desfile disfrazados para o evento acompáñannos ata o Torreiro onde nos xuntamos coa escola de primaria, cantamos bailamos e queimamos os nosos Mecos.
O grupo elabora decorados, títeres, vestiario ...., todo o necesario para estes eventos
Un día á semana, pola mañá, as persoas que se apuntan a este grupo, veñen á escola para xestionar, coa axuda das mestras encargadas, o préstamo de libro da nosa biblioteca. Colaboran nos contacontos, festas do Día do libro, do Libro Infantil... axudan a catalogar e a xestionar o servizo de mantemento da biblioteca.
As familias axudan na plantación dos nosos productos na horta, facendo pequenos obradoiros nas aulas de reciclaxe, manualidades, saídas ao bosque, contacontos...
- Ademáis contamos coa colaboración das familias para:
A celebración do entroido creando un obradoiro de elaboración de disfraces con amplo horario de mañá e martes á tarde para realizar os traxes que logo vestiremos no desfile.
Acompañarnos nalgunhas saídas como persoal coidador
Axudar a vestir e maquillar nenos e nenas para as representacións que realizamos na escola.
Colaborar na elaboración dos proxectos de escola ou aula.
Contarnos contos ou recitar poemas,tocar instrumentos ou cantar,expricarnos cousas interesantes do seu traballo ou lecer,....
Participar connosco en festas, representacións e outros eventos.
ANIMÁDEVOS A PARTICIPAR