Skip to Content

LISTAS PROVISIONAIS DE ADMITIDOS PARA O CURSO 2018/2019

Poden consultar no seguinte arquivo as listas provisionais de admitidos para o vindeiro curso 2018/2019.

A GARDA CIVIL VISITA O CRA RAÍÑA ARAGONTA

Os nenos e nenas do CRA Raíña Aragonta disfrutaron na mañá de onte dunha visita moi especial. A Garda Civil acudíu as instalacións da sede do CRA para amosar aos pequenos todo o relacionado coa súa labor dentro da sociedade.

Pudimos ver como son os chalecos antibalas, os cascos e pantallas de protección. Pudimos ver un coche patrulla por dentro, subir as motos e tamén facer sonar as sirenas. Descubrimos cal é a labor do SEPRONA e moitísimas cousas máis.

Aquí tedes unha pequena mostra do que foi a mañá, e agradecer aos membros da garda civil o trato marabilloso que tiveron con todos os nenos e nenas.

 

 

PRÓXIMAMENTE: NOVO SISTEMA DE COMUNICACIÓN COAS FAMILIAS DO CENTRO

Estimadas familias do CRA Raíña Aragonta.

Xa hai algún tempo, que moitos dos pais/nais do noso alumnado veñen demandando un sistema de comunicación máis acorde aos tempos que corren,onde as comunicacións do centro sexan recibidas no seu propio dispositivo móbil ou no correo electrónico, á maior brevidade posible, sin necesidade de trasladar notas informativas en papel, que moitas veces se extravísan antes de chegar ao seu destino.

Pois ben, despois de valorar pros e contras ao respecto, queremos informarlles de que, en breve o CRA Raíña Aragonta contará con este tipo de servizo de comunicación coas familias, onde poderán recibir notificacións da titora da aula, información relevante do centro, solicitudes de autorización de saídas, que vostedes poderán respostar de xeito instantáneo, e outro tipo de informacións de interese para vostede, ben sexan desde a titoría da aula, desde os diferentes equipos de coordinación e da dirección do centro.

Evidentemente, para todos e todas suporán tempos de cambio e adaptación ao novo sistema, e nun principio, de seguro, suporá un esforzo engadido para toda a comunidade educativa, pero o importante é que, a finalidade é mellorar, e adaptarnos aos novos tempos, de xeito que este centro e as familias que formades parte do mesmo, vos sintades parte deste novo proxecto que empezamos con ilusión.

En breve vos daremos máis información ao respecto.

Reciban un cordial saúdo.

a dirección do centro.

 

ADMISIÓN ALUMNADO 2018/2019

A Dirección do CRA Raíña Aragonta informa:

Que unha vez rematado o proceso de admisión de solicitudes para o curso 2018/2019:

  • Non se realizará proceso de baremación.
  • As listas provisionais de admitidos publicaranse antes do 25 de abril.

ADMISIÓN ALUMNADO 2018/2019

O prazo para solicitar praza neste centro abrangue do 1 ao 20 de marzo.

Nos seguintes enlaces teñen toda a información relativa ao proceso de admisión.

VISITA DA PROTECTORA DE ANIMAIS ALOIA

A Protectora de Animais Aloia veu visitarnos ó noso centro e explicarnos a importancia do seu traballo na Protectora, onde recollen, coidan e atopan novos fogares para os animais abandoados.

Lembra: "NON MERQUES UN CAN DE RAZA, ADOPTA UN SEN CASA"

Aprendemos moito sobre os animais.

Gracias pola visita !!!

 

DÍA DA PAZ

O pasado martes día 30 de Xaneiro en todalas aulas do CRA Raiña Aragonta conmemoramos o Día escolar da Paz e a non violencia.

Baixo o lema "Xuntos por un mundo mellor", entre todo o alumnado pintamos as pezas dun puzzle que ese día montamos para ver as cousas marabillosas que podemos facer colaborando e traballando unidos.

Aqui vos deixamos unha pequena mostra deste traballo cooperativo.

XORNADA DE PORTAS ABERTAS

O vindeiro martes 27 de febreiro, ás 16:30 horas, terá lugar na sede do CRA Raíña Aragonta unha xornada de portas abertas, para aquelas familias interesadas en matricular aos seus fillos/as neste centro, no vindeiro curso 2018/2019.

PROXECTA 17/18 PROTEXE OS ANIMAIS

Xa dende o mes de Novembro, comezamos co noso Proxecto de "Protexe os animais".

Con el, pretendemos que os rapaces ademáis de que coñezan aspectos básicos dos animáis, aprendan á importancia de coidalos e respetalos, crear conciencia para que tanto no presente coma no futuro sexan responsables coas súas mascotas e cos animais en xeral.

XA CHEGA O ENTROIDO !!!

¡Qué emoción! ¡Comeza o Entroido!

No CRA Raiña Aragonta teremos que cumprir ó longo da próxima semana (do 5 ó 9 de febreiro) os Mandatos do Meco. Estade atentos !!

Se te queres divertir, en PIXAMA o LUNS deberás vir.

Se de maior un OFICIO queres ter, o MARTES débesnolo facer saber.

O MÉRCORES, menuda confusión: os NENOS con SAIA e as NENAS con PANTALÓN

De VELLIÑAS e VELLIÑOS, viremos o XOVES vestidiños.

E chegou o gran día... O VENRES dun ANIMAL te disfrazarás, e por SALCEDA desfilarás...

 

 Seguiremos informando...

Distribuir contido


by Dr. Radut