CIRCULAR Nº 5
- Invitación ao festival de Nadal
O mércores 21 de decembro ás 9:45 dará comezo o festival de Nadal ao que estades todos os pais invitados. O festival celebrarase no ximnasio de secundaria.
A ANPA colabora na organización do festival cunha obra de teatro do grupo GHAZAFELHOS, compañía de teatro de Narón con obras dirixidas ao público familiar.
A continuación os alumnos de infantil e primaria interpretarán unhas panxoliñas e se repartirán os premios aos gañadores dos concursos organizados durante o trimestre.
Ao final do festival os alumnos de 2º ciclo da ESO sortearán unha cesta co fin de recadar fondos para a súa excursión de fin de curso.
A continuación e no mesmo ximnasio o comedor de centro ofrecerá aos pais un chocolate con biscoito que será servido polos alumnos de 2º ciclo da ESO. Agradecerán os vosos donativos para a súa excursión.
As actividades rematarán ás 12:45 despois de que os alumnos degusten un chocolate con biscoito ofrecido polo comedor.
Lembrámosvos que a zona de aparcamento dos buses debe estar libre ás 12:00.
- Concurso de postres
Como xa vai sendo tradición o comedor do centro organiza un concurso de postres para os alumnos de secundaria. Os rapaces que queiran participar deberán apuntarse en secretaría e teñen que traer un postre navideño o día 21.
- Radio Voz emitirase dende o centro
O martes 20 RadioVoz ( 105,4FM) emitirá o seu programa Voces de Ferrol, con María Meizoso dende o noso centro de 9:30 a 12:00.
- Vacacións de Nadal
Voltamos de vacacións o luns 9 de xaneiro, felices festas e próspero ano novo.
San Sadurniño, 16 de decembro de 2011
A Dirección
