Sabedes cantas cousas podemos aprender observando os obxectos máis simples?

En 5ºB estivemos analizando as propiedades xerais da materia: a masa e o volume. Fixémolo pesando e medindo o volume de obxectos variados, coa axuda dunha báscula electrónica e uns recipientes graduados.

Despois, descubrimos que podiamos obter unha característica máis: a súa densidade. Era moi sinxelo, pois só había que dividir a masa entre o volume. E co que nos gusta dividir...!