Para entender o que é un metro cadarado, o alumnado construiu un metro, un metro cadrado e un decímetro cadrado.

En grupos de 3, un grupo construiu o metro e outro o metro cadrado no chan; o grupo restante construiu un metro cadrado nun papel. Finalmente, todos construiron un decímetro cadrado para comprobar que nos fan falta 100 para encher un metro cadrado.

Traballando as simetrías e Al- Ándalus o alumnado fixo uns mosaicos para traballar estos dous temas.

No terceiro trimestre o alumnado de 5ºB mergullouse de fondo na xeometría a través das matemáticas manipulativas mediante a creación de poliedros realizados tanto con papel como con escarvadentes e plastilina.

 experiencia foi todo un éxito xa que de resultado obtivemos poliedros moi diversos e orixinais, algúns e algunhas chegaron ata a construír figuras unindo diversos poliedros. Deste xeito desenvolvemos a Competencia Matemática así como a Competencia Artística e Competencia en Sentido da Iniciativa e Espírito emprendedor, pois os discentes eran quenes pensaban primeiro as figuras, e logo construían, sendo cada vez máis conscientes da presenza dos mesmos na súas vidas cotiás.

.

Repasamos os polígonos xogando ao dominó.

Unha das actividades realizadas no tema dos ángulos foi crear un ángulo na porta da clase. 

Como tarefa integrada do tema das unidades de medida, masa e capacidade cociñamos na clase; biscoito de iogurt e biscoito de chocolate. Velaquí unha mostra apetitosa.

Aproveitando o traballo coas unidades de masa, volume e capacidade  o alumnado calculou aproximadamente canto medía o seu intestino delgado.

Como o fixeron? Pois averiguaron que se multiplicaban a súa altura por 4,5 obtiñan  a lonxitude aproximada do seu intestino delgado. Finalmente, no patio coa axuda de regras e cintas métricas cada un debuxou cun xiz a lonxitude do seu intestino.

Dende as Matemáticas Manipulativas e cos dados numéricos o alumnado de 1ºA fixo sumas.