ST VALENTINE'S DAY IN CASTROVERDE
Unha celebración na que o alumnado de *inglés* de 1° ciclo de ESO traballou non só contidos propiamente lingüísticos senón que nos sumerximos en aspectos emocionais de vital importancia para os nosos e nosas adolescentes afondando nas distintas características que debe ter unha relación sana e desbotando certos mitos do malentendido como amor romántico.
Vocabulario, estructuras gramaticais, modismos e unha carga de formación emocional tan importante como necesaria nestas etapas da mocedade.
Decoramos as escaleiras con lemas que deben rexir un amor san, adornamos o noso garda real con frases adicadas ós nosos seres queridos, recitamos un soneto de Shakespeare, visualizamos trailers de "rom com"(romantic comedies) e xogamos con un kahoot sobre o centro de interese para afianzar todos e cada un dos contidos aludidos.
Colaborou neste proxecto *Noah Gordon* acercándonos de novo á cultura estadounidense para ver de cerca como celebran dous importante eventos de febreiro: Valentine's Day and Groundhog Day. A súa participación e interese preparando material lúdico desperta a euforia e entusiasmo do alumnado.
Deixamos testimuña de día adicado ó AMOR...en maiúsculas.
Happy St Valentine!
SAN VALENTÍN NA AULA MAKER
Entre as diversas actividades programadas para celebrar o Día dos Namorados, o alumnado de secundaria realizou, na aula maker e durante a clase de valores, unha serie de carteis sobre o amor para colocar nas escaleiras. As frases escollidas, trataron de evitar os mitos do amor romántico que levan á violencia de xénero e falar dun amor igualitario e san.
SAÍDA A MONFORTE DE LEMOS
O día 10 de febreiro, o alumnado de 3º da ESO realizou unha saída para visitar distintos puntos de interese en Monforte. Acompañados por dúas profesoras e polo auxiliar de conversa, visitaron en primeiro lugar o Pazo de Tor, onde puideron aprender unha chea de cousas sobre a baixa nobreza galega dos últimos séculos, da man de dous excelentes guías que contestaron a todas as súas preguntas.
O grupo visitou tamén a Torre da Homenaxe de Monforte, tamén acompañado por un guía, onde puideron aprender diferentes aspectos sobre estas construcións defensivas e de prestixio da Idade Media e sobre as guerras Irmandiñas, ademais de apreciar a impresionante paisaxe que se pode contemplar dende o alto da torre.
Baixaron camiñando polo casco vello, cruzando pola xudería, onde a profesora de xeografía e historia lles explicou algunhas nocións sobre o urbanismo medieval.
Despois de comer e descansar brevemente nun parque xunto ao río Cabe, os rapaces e rapazas de 3º da ESO, puideron gozar da visita ao museo do ferrocarril, onde realizaron unha nova visita guiada, na que viron varios vagóns históricos e se desprazarían nun tren, realizando o cambio de dirección sobre unha plataforma xiratoria.
Esperamos que aprenderan moito e lles quede un bo recordo.
ENGLISH PEACE SCHOOL DAY
Tras dúas intensas semanas rematamos un novo proxecto donde colaborou estreitamente o equipo de inglés de Primaria xunto co departamento de Secundaria.
O alumnado participou en cada unha das diferentes etapas do proxecto interdisciplinar donde contamos co apoio da área de Plástica, plurilingüe no noso centro.
Foi un traballo intenso e laborioso pero altamente satisfactorio nos resultados.
Nas fotos podemos observar a secuenciación do proxecto nas suas diferentes etapas que foron dende a selección da actividade, o deseño da base da maqueta e o recheo de plumas multicolores (símbolo da diversidade)donde cada un dos nosos alumnos e alumnas recolleron en *inglés* a palabra que para eles e elas mellor definía esta celebración.
O resultado, un fantástico photocall para decorar a entrada da nosa biblioteca escolar.
Non te perderás se segues a bandada de pombas mensaxeiras.
E ti? Fixeche a túa foto como un auténtico representante da paz?
Contacta coa túa profesora de inglés e consigue este recordo!!
Go for it!!!