Articles

Este luns 27 de marzo o alumnado de 1º da ESO desprazouse a Santiago para ver a obra de teatro: Mr Bullying, ¡todos contra el!

Esta obra da compañía El Replà trata o tema do acoso escolar representando unha situación na que unha alumna chega nova a un instituto onde esperta simpatías con algúns compañeiros e inseguridades con outros, recreando unha situación que se vive nos centros educativos, nos que as bromas deixan de selo, os compañeiros déixanse levar polos comentarios de terceiros e a vida da protagonista vese afectada e prexudicada sen saber moi ben o que está pasando...

A actividade forma parte das actuacións que se desenvolven nas titorías para  reflexionar que é o que leva a uns rapaces e/ou rapazas a exercer a violencia sobre outro/a e poder así, corrixir problemas emocionais e relacionais que poden ter graves consecuencias.

Podedes premer na imaxe para ver algunhas fotos ou visitar a nosa galería de imaxes.

O pasado sábado 11 de marzo de 2017, a alumna Blanca Martínez Campos de 1º da ESO gañou o 1º premio do concurso organizado pola APFG na categoría de alumnos/as de 1º e 2º da ESO de Francés, 2º idioma estranxeiro. O concurso foi organizado en Santiago de Compostela pola Asociación de Profesores/as de Francés de Galicia para alumnos/as de Francés de Galicia.

Os traballos seleccionados para participar no concurso foron os seguintes:

Categoría 1º-2º ESO FLE2:

- Blanca Martínez Campos: “La fenêtre de Versailles” (PREMIADA)

- Alejandro Iglesias Sueiro: “La tour Eiffel”

- Nerea Prado Pombo: “Rodin: le penseur moderne”

Categoría 3º ESO FLE2 :

- Sabela Míguez Bouzas : « Le pont du Gard »

Os demáis traballos presentados como proxecto de segundo trimestre están expostos no primeiro andar do centro e no blog do departamento de Francés www.elvifle.blogspot.com

Podedes ver os traballos premendo nesta imaxe ou visitando a nosa galería de fotos.

O alumnado da ESO do noso centro celebrou o Día da Muller cun obradoiro de graffitti en directo da artista NANA, baixo o título "Cóntame outro conto" no Pavillón Municipal de Deportes. A esta actividade acudiron o alcalde de Cuntis Manuel Campos, a concelleira municipal de Igualdade Conchi Campos e a presidenta da Deputación de Pontevedra Carmela Silva Rego. 

Aquí vos deixamos unhas fotos da actividade e uns enlaces á noticia do día no noso colexio.

https://www.facebook.com/DeputacionPontevedra/photos/rpp.190296897664686/1574135375947491/?type=3&theater

 http://www.depo.es/web/edepo/-/noticia-a-deputacion-organiza-este-mercores-8-de-marzo-unha-accion-escenica-en-cuntis-no-marco-do-programa-mulleres-en-accion-violencia-zero-

http://www.depo.es/web/edepo/-/noticia-carmela-silva-sublina-no-proxecto-%E2%80%9Cviolencia-zero%E2%80%9D-en-cuntis-que-sen-as-mulleres-o-mundo-parariase

http://www.noticieirogalego.com/2017/03/a-deputacion-de-pontevedra-sumarase-ao-paro-internacional-das-mulleres-o-8-de-marzo/

Os dragóns existen e chegaron ao noso centro a través de Dragal.

Así nolo fixo saber Elena Gallego na súa visita de onte durante a cal nos falou da maxia, da memoria e da presenza destes seres que persisten en todo o mundo.

Elena Gallego resolveulles dúbidas a todo o alumnado da ESO sobre os misterios que agocha o dragón, entraron nunhas catacumbas virtuais e demostroulles que, dun xeito ou outro, todo o narrado no libro existe. A rapazada, moi curiosa e atenta, fixo moitas preguntas e incluso lle propuxeron á autora finais alternativos e ideas para continuar a saga dragaliana.

Esta visita forma parte do Proxecto Dragal da Secretaría Xeral de Política Lingüística no cal estamos a participar xuntos con outros cinco centros de toda Galicia. Seguiremos sendo dragaliños e dragaliñas ao longo do curso e traballaremos diferentes aspectos relacionados coa obra e investigando se en Cuntis tamén hai dragóns.

Aquí vos deixamos algunhas fotos do encontro.