Emprendemento

Concurso Eduemprende Idea 2021

CONVOCATORIA 2021 DO CONCURSO EDUEMPRENDE IDEA

Este concurso pretende potenciar a realización de proxectos empresariais polo alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia.

Dende a Coordinación de emprendemento animamos ao alumnado do CIFP Ferrolterra a presentar os seus proxectos de empresa. Estamos no Viveiro de empresas para axudaros coa presentación ao Concurso. Animádevos!!!!!

Quen pode presentarse ao concurso?

Poderá participar o alumnado que cumpra os seguintes requisitos:

• Estar matriculado no curso 2020-2021 nas ensinanzas de formación profesional, deportivas ou de artes plásticas e deseño sostidas con fondos públicos.

• A participación terá que ser en grupo, formado por un mínimo de dous/dúas alumnos/as e un máximo de catro.

Premios

Premiaranse os tres mellores proxectos de empresa de cada modalidade.

• Modalidade A: ciclos de grao superior

o Incorporación a un viveiro de empresa da Consellería de Cultura, Educación e Universidade

o Asesoramento técnico do IGAPE

o Dotación económica:

 1º premio: 3.000 euros

 2º premio: 2.000 euros

 3º premio: 1.000 euros

• Modalidade B: ciclos de grao medio

o Incorporación a un viveiro de empresa da Consellería de Cultura, Educación e Universidade

o Asesoramento técnico do IGAPE

o Dotación económica:

 1º premio: 3.000 euros

 2º premio: 2.000 euros

 3º premio: 1.000 euros

Como participar

As solicitudes presentaranse preferiblemente por vía electrónica a través do formulario normalizado (anexo I) dispoñible na sede electrónica da Xunta de Galicia, https://sede.xunta.galOpcionalmente, poderanse presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común.

Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave 365 (https://sede.xunta.gal/chave365).

As solicitudes deberán dirixirse á seguinte dirección: Secretaría Xeral de Educación e Formación Profesional, San Caetano s/n, 15781 Santiago de Compostela.

Para a estes efectos os rexistros dos centros educativos non se consideran incluídos dentro das dependencias enumeradas no dito artigo 16.4 da Lei 39/2015, do 1 de outubro.

Prazo de presentación de solicitudes

O prazo de presentación de solicitudes será dun mes contado a partir do día seguinte ao da publicación da orde no Diario Oficial de Galicia (DOG). Do 17 de abril ao 16 de maio.

Información sobre a convocatoria

Convocatoria 2021 · https://www.edu.xunta.gal/fp/eduemprende-idea

• Orde do 7 de abril da convocatoria do concurso eduemprende Idea (DOG 16 de abril de 2021)

Lun, 19/04/2021 - 10:29 - maldonado

Concurso de Ideas emprendedoras "A túa idea nun minuto"

I Concurso de Ideas emprendedoras: "A túa idea nun minuto"

Se tes/tedes unha idea de negocio, o CIFP Ferrolterra convoca o I Concurso de ideas emprendedoras co obxectivo de fomentar o emprendemento e impulsar a innovación e a creatividade entre o alumnado.

Dirixido a todo o alumnado do centro (matriculados no curso académico 20/21) de 1º e 2º curso de FPB, ordinario, modular e dual.

Podedes participar individualmente ou en equipos.

O prazo de presentación de ideas é dende o 15 de marzo ata o 30 de abril.

Para incribirse no Concurso:

- enche o formulario que aparece no enlace: https://forms.gle/69weob7WmDqMzQtX7

- ou a través do Qr que aparece no cartel do concurso que encontraredes polo centro.

Se precisas asesoramento ou seguimento da túa idea a Coordinación de emprendemento e o Departamento de FOL están ao teu dispor para que a poidas presentar.

TERÁS 1 minuto de tempo para facer a presentación da túa idea a través dun VIDEO que teredes que enviar ao seguinte correo: viveiroe.cifpferrolterra@gmail.com

Recorda que a presentación é o que vai ver o xurado, realiza unha boa presentación!!!!.

O XURADO estará composto pola Dirección, profesorado e alumnado das familias profesionais do CIFP Ferrolterra.

E o momento de que deas a coñecer a túa idea. Ademáis, a túa idea pode ter premio $$$. As mellores ideas terán premio en metálico. Ademáis os gañadores farán unha visita guiada a empresas do sector, para que coñezades aos emprendedores da comarca de Ferrolterra do voso sector de actividade.

- 1º Premio: 250€

- 2º Premios: 150€

- 3º Premio: 4 PREMIOS DE 50€

A valoración das ideas se realizará tendo en conta os seguintes criterios, valorados de 1 a 4 puntos:

- Presentación da idea

- A idea satisface unha necesidade no mercado?

- A idea pode levarse á práctica (viable)?

- A idea é orixinal, innovadora e diferente?

Esperamos os vosos VIDEOS!!!!! Animádevos a dar a coñecer as vosas ideas!!!! $$$$$$$$$$$$

Mér, 14/04/2021 - 22:16 - maldonado

FOROCAFE CON EMPRENDEDORES NO FERROLTERRA

FORO CAFÉ EMPRENDEDORES: EXPERIENCIAS EMPRENDEDORAS EN fERROLTERRA

Alumnado e profes:

Invitados a tomar café cun emprendedor da vosa Familia profesional!!!!

Alumnado invitado a tomar un café con emprendedores da comarca de Ferrolterra!!!!!

Os días 23, 24 e 25 de marzo ímos levar a cabo coa colaboración de emprendedores o Foro Café con emprendedores no CIFP Ferrolterra.

O programa desta xornada é o seguinte:

Mércores 24:

Patricia Filgueira (12:30-13:00hs) Educación Infantil
Sergio Díaz (10-10:30) Automoción

Xoves 25:

Iván Pajouk (10-10:30) Madeira
Pablo Rivera (10-10:30) Electricidade e electrónica
Juan Ferreño (12-12:30) Electricidade e Electrónica

Venres 26:

Jorge Pérez (10-10:30) Metal
Jesús López (12:45-13:15) Enerxía e auga/Mecatrónica

Trátase dunha xornada informal onde o alumnado vai coñecer a experiencia emprendedora directamente dos emprendedores convidados: inicios, a empresa, vantaxes, dificultades, motivacións para emprender,....

Vaise levar a cabo na entrada do centro, cun grupo de alumnos pequeno, cos que compartirán café e media hora de tempo.

A actividade pretende poñer en contacto o alumnado con,emprendedores da comarca e que así teñan referentes de emprendemento cercanos e reais relacionados cos ciclos formativos que están cursando.

Estades convidados profes e alumnado!!!!

Mar, 23/03/2021 - 13:13 - maldonado

Certame Cooperativismo no ensino 2021

"Certame Cooperativismo no ensino 2021 Rede Eusumo"

Queremos informarvos da convocatoria do Certame “Cooperativismo no ensino 2021”, á que vos animamos a participar. Se algún de vós quere participar e necesita axuda para presentar o seu proxecto non dubides en pasar polo Viveiro de empresas que como sabedes esta no primeiro andar do centro CIFP Ferrolterra

O obxectivo deste programa é difundir e promover o cooperativismo entre o alumnado dos centros de educación infantil, primaria, secundaria, educación especial, formación profesional e ensinanzas de réxime especial de Galicia, impulsando a realización de actividades de fomento do cooperativismo nos centros educativos.

No DOG núm. 20 do 1 de febreiro de 2021 publicouse a Orde 30 de decembro de 2020 pola que se establecen as bases reguladoras do certame Cooperativismo no ensino, dirixido ao alumnado dos centros educativos de Galicia, e se procede á súa convocatoria para o ano 2021.

Establécense as seguintes modalidades de participación:

- Actividades artísticas: dirixidas ao alumnado de educación infantil, primaria e educación especial.

- Actividades cooperativizadas: dirixidas ao alumnado de educación secundaria obrigatoria e educación especial.

- Proxectos empresariais cooperativos: dirixidos ao alumnado de formación profesional e de ensinanzas de réxime especial.

O orzamento total ascende a 28.000 euros.

O prazo de presentación de solicitudes finaliza o 30 de abril de 2021.

Podedes consultar máis información en http://eusumo.gal/convocatoria-certame-cooperativismo-no-ensino-2021

Mér, 03/03/2021 - 13:47 - maldonado

Videoconferencia "Emprendendo na rede"

O mércores día 24 de fereiro, de 10:00 a 12:00 hs terá lugar a Videoconferencia "Emprendendo na rede" para todo o alumnado de 2º curso de ciclos formativos.

O ponente será Alex López López,empresario e experto en Social Selling e top 10 mundial influencer social selling. A ponencia versará sobre o emprendemento e a contorna dixital.

O programa desta videoconferencia recolle a seguinte temática:

- Posibilidades do mundo dixital para o emprendemento: redes nas que hai que estar para acadar os obxectivos da empresa.

- Conduta do cliente dixital: coñecer o proceso de compra e diferenzas entre o mercado B2B e o mercado B2C.

- Cómo mellorar a marca e o posicionamento na rede.

- Ferramentas para mellorar na rede.

- A importancia de ofrecer contidos de valor nas redes.

- Como preparar e presentar un proxecto.

- Exercicio práctico.

Dende a Coordinación de emprendemento esperamos que sexa unha actividade de aproveitamento tanto para o noso alumnado como do profesorado. Esperamos a vosa participación nesta actividade de emprendemento que explica cómo utilizar as redes sociais para favorecer a comunicación na rede a través de plataformas e ferramentas idóneas da contorna dixital actual.

Dom, 21/02/2021 - 23:00 - maldonado

Xornada Eduemprende Actúa 20/21: "A actividade emprendedora como chave para o teu futuro"

Eduemprende Actúa 20/21: "A actividade emprendedora como chave para o teu futuro"

O día 2 de febreiro, de 12:00 a 13:30 hs. terá lugar a través de videoconferencia, para todo o alumnado de 2º curso de ciclos formativos, a xornada que levamos a cabo todos anos, do Programa Eduemprende Actúa.

Terá lugar unha mesa redonda, dinamizada por Verónica Rodríguez Ruzo, técnica do IGAPE e coa participación de catro emprendedores da zona de Ferrolterra, todos eles asociados a AJE Ferrol:

- Patricia Filgueira, da empresa Espacio vivo

- Pablo Rivera, da empresa 2Ksystem

- David Filgueiras, da empresa Prometal

- Raúl Lomba, da empresa Waves

Esperamos a participación de todo o noso alumnado e o profesorado nesta xornada de emprendemento para aproveitar as experiencias destes emprendedores.

Lun, 01/02/2021 - 00:29 - maldonado

Programa Explorer 2021

Queres emprender e validar a túa idea de negocio?

PROGRAMA EXPLORER 2021

Se tes entre 18 e 31 anos e ganas de xerar un impacto positivo no mundo, inscríbete en Explorerbyx.org antes do 11 de decembro.

O programa Explorer “Mozos con solucións” axúdache a experimentar o emprendemento como opción profesional. Traballarás sobre a túa idea transformándoa nunha solución que contribúa a lograr os ODS 2030, cun enfoque práctico e baseado en dinámicas de aprendizaxe social.

• Lugar: UDC A Coruña Space e UDC Ferrol Space

• Duración: 12 semanas (do 25 de xaneiro ao 25 de abril de 2021)

• Prezo: gratis

• Participación: só/a ou en equipo (máximo de 5 participantes)

• Metodoloxía: sesións presenciais ou virtuais e espazo en liña de traballo social e colaborativo.

• Titorización: cada proxecto será guiado e acompañado por un coordinador/a e un xcout (mentor/a).

• Beneficios:

- Certificado de participación.

- Explorer Trip: viaxe dunha semana a un hub de innovación europeo para o mellor proxecto de cada sede.

- Comunidade: acceso a unha comunidade global de mozos innovadores coa incorporación de Explorer Spaces

americanos e europeos.

Participa e apúntate co teu proxecto. Prazas limitadas

Máis información

<https://pro-santanderx-images-s3.s3.eu-west-1.amazonaws.com/uploaded/efae61a0-88d1-49f4-9f30-f80668fe2bb7>

Emprego UDC emprego.vepem@udc.es

Mér, 18/11/2020 - 12:57 - maldonado

Obradoiros emprendemento para os alumnos de 2º

O mércores 11 de novembro terá lugar no CIFP Ferrolterra o 1º Obradoiro de emprendemento deste curso 2020-21 dirixido a todos o nosos alumnos de 2º curso de ciclos formativos, de diurno e modular.

Estes obradoiros teñen como obxectivo impulsar e promover a iniciativa emprendedora entre o alumnado do centro.

O obradoiro será impartido por PromoveConsultoras.

Haberá dúas sesións: unha de mañá as 10:45 e outra as 18:15 da tarde.

Este ano debido a situación que estamos a vivir pola Covid-19 realizaranse de xeito telemático, a través de

videoconferencia.

Esperamos a boa acollida destes obradoiros entre o alumnado e agradecemos a colaboración do profesorado para a súa realización.

Lun, 09/11/2020 - 09:44 - raquelrh

Benvida Coordinación emprendemento 2020_2021

Benvida Curso 2020_2021

Dende a Coordinación de Emprendemento do CIFP Ferrolterra vós damos a benvida dende este espazo na web que ten como obxectivo impulsar e promocionar o espirito emprendedor entre o noso alumnado.

Neste espazo da nosa web iremos informando de todos o relacionado co Emprendemento e que poida ser do voso interese: Actividades de emprendemento desenvolvidas para o alumnado, ligazóns de interese, proxectos do centro,…..

No viveiro de empresas, situado no primeiro andar do CIFP Ferrolterra, queremos crear un espazo para difundir, impulsar e promocionar a iniciativa emprendedora , onde apoiar e asesorar a todos aqueles alumn@s que detecten unha oportunidade de negocio e desexen desenvolvela e plasmala nun plano de empresa. Axudámoste no asesoramento e titorización do teu proxecto de empresa.

No CIFP Ferrolterra contamos cun Viveiro de empresas: un espazo que conta con despachos equipados con moblaxe, sala de reunións, equipamentos informáticos e os servizos precisos para levar as xestións necesarias para a posta en marcha da túa iniciativa emprendedora. No viveiro tamén terás asesoramento, titorización eacompañamento para a teu aventura empresarial por parte d@s Titores de viveiro.

Poden acceder os alumn@s que teñan un proxecto empresarial que vaian desenvolver en Galicia, que estean matriculados no derradeiro curso nun ciclo formativo de formación profesional, os que remataran nos catro últimos anos, e tamén os que estean a estudar bacharelato.

O procedemento de acceso consiste en:

Entrevista incial co titor do viveiro para analizar a idea de negocio.
Axuda no proceso de elaboración do plano de empresa
Se o proxecto é considerado coma viable, asinarase o Contrato de cesión de espazo no viveiro de empresas do CIFP, para usar de forma gratuíta as instalacións do viveiro como sede da túa empresa.
Poderas instalarte nas instalacións do viveiro por un prazo de 2 anos, prorrogable nalgúns casos ata 3 anos.

Mar, 03/11/2020 - 13:24 - maldonado

I Concurso de Ideas Emprendedoras CIFP Ferrolterra: "A túa idea nun minuto"

“A TÚA IDEA NUN MINUTO”

Se tes unha idea de negocio, o CIFP Ferrolterra convoca o I Concurso de ideas emprendedoras.

- E o momento de que a des a coñecer. Ademáis, a túa idea pode ter premio €€€€€

- Pode participar todo o alumnado do centro (matriculados no curso académico 19_20) de 1º e 2º curso, individualmente ou en equipos de 3 ou 4 participantes

- O prazo de presentación de ideas é do 2 ao 15 marzo. Para incribirte no Concurso enche o formulario que aparece no enlace

https://forms.gle/XPfNtSWBuUxvCLXT8

ou a través do QR que aparecen no cartel do concurso que encontraredes colgado polo centro.

- Se precisas asesoramento ou seguimento para a túa idea a Coordinación de emprendemento e o profesorado do Departamento de FOL están ao teu dispor. (Axudámosche a que expoñas a túa idea.)

- Terás 1 minuto de tempo para facer a presentación da túa idea do xeito que ti desexes e coa ferramenta que ti escollas (Imaxe corporativa, video, prezzi, xogo, cartel, prototipo,…) recorda que a presentación é o que vai ver o xurado.

- O acto de presentación das ideas terá lugar o día 18 de marzo ás 13:00hs.

- O xurado estará composto por profesorado e alumnado das familias profesionais do centro. Ademáis o alumnado asistente votará directamente, no acto de presentación das ideas, aquelas 3 que consideren as mellores.

- As 6 mellores ideas serán votadas dacordo ao seguinte criterio: 50% votación do xurado e 50% votación do alumnado presente. No caso de empate prevalecerá a puntuación do xurado.

- As mellores ideas terán premio en metálico máis unha visita guiada a empresas do sector, para que coñezades aos emprendedor@s da comarca de Ferrolterra.

1º premio: 250 €
2º premio: 150 €
3º premio: Catro premios de 50 €

- Aquí tedes a táboa para a valoración das ideas que se presenten e que o xurado utilizará para valorar as vosas ideas (TÉDEO EN CONTA!!!!!):