Igualdade

Grazas ás nosas alumnas Sonia, Elisabeth e Antía, e tamén á profesora Silvia Folgueira pola estupenda reportaxe sobre mulleres que rompen a brecha de xénero.

#FPGalicia; #FPIgualdade; #CIFPFerrolterra

Fillas bravas é unha peza teatral e musical da compañía Chévere, interpretada por tres actrices, un exercicio de empoderamento da muller rural, usando as cantigas tradicionais para falar de igualdade entre homes e mulleres, sexualidade, maltrato e violencia machista.

Con esta peza, Chévere sigue explorando as posibilidades dun teatro con perspectiva de xénero para sensibilizar á sociedade fronte á violencia machista e as desigualdades entre homes e mulleres.

Alí estuvimos xunto aos nosos alumnos de 2º de FP Básica!!!

O próximo luns, día 25 de Novembro de 2019 é o Día Internacional da Eliminación da Violencia contra as Mulleres. 
Temos programada a proxección do filme “Tódalas mulleres que coñezo” e charla coloquio coa directora do filme Xiana do Teixeiro, que dinamizará a xornada co alumnado de FP Básica e de 1º curso de ciclos formativos. A actividade terá lugar de 13:00 a 15:00 hs. no Salón de Actos do centro. A actividade é de asistencia obrigada, agás que teñades algún exame programado. Creemos que vai ser moi interesante e teremos a oportunidade de comentar a película coa creadora da mesma.

Pola tarde a actividade programadas é:

Espectáculo poético musical: A muller galega e as súas circunstancias

1.-Prólogo: Lieders (1858),  manifesto feminista de Rosalía de Castro, con 21 anos.

2.-A condición nacional e de clase das mulleres:

*Eu son da montaña (Eduardo Pondal): mulleres e emigración

*Non cantes tan tristemente (Eduardo Pondal): nais e educación.

*A xusticia pola man (Rosalía de Castro): opresión e violencia, a rebeldía necesaria.

3.-Identidade e estereotipos femininos:

*Meniña, rapaza nova...(Eduardo Pondal), a idealización.

*Daquelas que cantan as pombas...(Rosalía de Castro), sen encaixar na norma dual, home/muller.

*Lúa descolorida...(Rosalía de Castro), astro das almas orfas e inadaptación.

4.-Desmitificando o matrimonio:

*San Antonio  bendito...(Rosalía de Castro), unha visión popular.

*Decides que o matrimonio...(Rosalía de Castro), discutindo coa Igrexa, a desacralización.

5.-Mulleres e filosofía da vida:

                     *Vamos bebendo (Rosalía de Castro): pensar no futuro pero vivir no presente. 

6.-Un poema conclusivo e sintético sobre o problema da muller:

*Xan (Rosalía de Castro)

7.-Epílogo:

*Carta a Eduarda (Rosalía con 29 anos e oito de matrimonio): capacidade intelectual, igualdade)

*Pódese acabar tamén co 6.

Voces: Luisa Sánchez e Xoán Padín;

Instrumentos: José Esteban (guitarra), Pablo Vergara (percusom), Alberte Maceiras (gaita, saxo e zanfona)

Esperamos que vos gusten! 

Convócase o I Certame de curtametraxes promocionais dos ciclos formativos do centro, cun enfoque libre de estereotipos de xénero e favorecendo a igualdade. Os premios para as 3 mellores curtas será de 300, 200 e 100€.

A duración máxima de cada curta será de 2 minutos e a data máxima de entrega da curta será o 30 de novembro (enviade un enlace a vosa curta ou ben un ficheiro á dirección do centro: cifp.ferrolterra@edu.xunta.es), especificando claramente o autor/autores da curta.