Sexto
PONTE... NAS ONDAS!!!
Por segundo ano consecutivo, a asociación pedagóxica Ponte...Nas Ondas, quixo premiar á nosa escola pola súa participación no certame de Recolla de Imaxes do Patrimonio. Desta volta presentámonos coas fotografías do calendario do curso pasado METEOALXÉN. Eran tantas e tan boas que, por unanimidade e fóra de toda categoría decidiron outorgarnos un premio. A entrega era en Ourense e alí foi, o alumnado de 2º, 5º e 6º por ser os que máis fotos tiñan no calendario. Este ano volveremos a presentarnos coas fotos que traian as familias, gañaremos outra vez?
Pasádevos pola nosa galería para ver a entrega de premios.
COCO-ALXÉN
Enviado por admin o Dom, 2024-02-25 22:26Unha semana máis tarde do habitual, tivo lugar o concurso de COCO-ALXÉN. Os mestres que chegaron novos ao centro exerceron de xurado e resultoulles moi pero que moi difícil escoller as cabazas gañadoras. Non podían gañar todas polo quixemos premiar a participación entregando un pequeno agasallo a todos e todas os nenos e nenas que presentaron algunha cabaza a concurso. Eran todas espectaculares pero só nove foron as afortunadas que formaron o podium de vencedores.
CIBERSEGURIDADE
Capitaneados polo mestre Pablo e os seus titores, Sonia e Fran, o noso alumnado do 3º ciclo demostrou que é o que máis sabe de seguridade na rede. Presentáronse a un concurso de ciberseguridade e que non sabedes que paso? Pois que GAÑARON!! Moi emocionados foron á final que tivo lugar en Santiago de Compostela, houbo moitos nervios e momentos algo tensos, pero mereceu a pena.
PARABÉNS CAMPIÓNS!!
(clicade na imaxe)
Parte meteorolóxico diario
Unha das actividades que levamos a cabo ao longo deste curso foi dar o parte meteorolóxico, diariamente a través das ondas a nosa emisora escolar Radio Saltamontes. Cada mañá cando deixaba de soar a música de entrada e xa estaba todo o alumnado dentro das súas aulas, o alumando de 6º, encargamos da emisora, foron @s homes/mulleres do tempo radiofónico. Logo de consultar os datos meteorolóxicos na wen de Meteo Galicia, daban a previsión meteorolóxica para o Concello de Salvaterra e para o resto de Galicia.
CARTAS
Que ilusión!! Hoxe recibimos as cartas dos nosos compañeiros de 6º curso do CEIP Igrexa-Candeán de Vigo. Ao longo do curso estivemos carteándonos e gustounos moito a experiencia.
UN POLBO XIGANTE
O alumnado de 6º estivo traballando no libro de Carlos Casares, "Un polbo xigante". O resultado final de varios días de traballo en grupo, foi esta marabillosa banda deseñada. Aquí volo deixamos para que o desfrutedes.
DÍA MUNDIAL DA RADIO
Con motivo do día "Mundial da Radio", o día 13 de febreiro o alumnado de 6º nivel foi a o CUVI, para facer un programa de radio. Os días anteriores elaboramos un guión que tiña como tema a resolución de conflitos e a meteoroloxía, para iso gravamos aso nos@s av@s, contándonos as súas anécdotas, refráns...
NADAL 2022
Enviado por admin o Lun, 2023-04-03 20:09Pouco a pouco imos volvendo á normalidade e recuperando actividades que, por mor de todas as restricción COVID houbo que deixar de facer. Unha delas é o festival de nadal que este ano recuperamos con moitas ganas.
Houbo de todo, teatros, bailes, música, pero este ano, o noso novo mestre de música, Fran, ideou unha actuación con luces de cores, espectacular!! Mágoa que non teñamos ningunha foto decente dela, pero así, xa sabedes, o vindeiro ano vindes ver o noso festival!!
FELIZ 2023!
MAGOSTO NA ESCOLA
Enviado por admin o Lun, 2023-04-03 19:35Seguindo a tradición, despois do concurso Coco - Alxén, pasamos á Xornada de Xogos Tradicionais. Este anos, despois de varios de restriccións, puidemos volver a mesturarnos e facer grupos onde había nenos de todos os niveis. Que alegría ir podendo volver á normalidade!!
Unha vez rematados os xogos, Karen e Estela asaron as castañas para o que pediron axuda a nosa Carmiña, que sempre se presta a axudarnos e, para rematar a xornada, saltamos a fogueira. Había dúas, unha máis grande para os maiores e outra máis pequeniña para os máis cativos da escola.
QUE NON SE PERDAN AS TRADICIÓNS!
(Na galería de fotos hai unha pequena escolma de fotografías dese día, pasádevos por ela)
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »