Desde a biblioteca do cole, propúxose traballar durante marzo e abril a poesía, por iso, os nenos e nenas de tres anos decidimos traballar as adiviñas.
Unha vez escollidas as adiviñas e coa colaboración das familias, fomos aprendéndoas. Pintamos os debuxos para cada adiviña e pegámolos en distintas cartolinas, elaborando un libro. Despois de varios ensaios... Xa estabamos preparados para ir recitarllas aos nenos e nenas de 5º.
Non pensedes que lles foi fácil, tiveron que pensar moito moito... 
Pasamos un tempo moi agradable nas súas clases, por iso os invitamos a que algún día nos visiten a nós tamén, na nosa aula.
Grazas a todos, ás profes de 5º, aos nenos e nenas de 5º e tamén ás familias, que nos axudaron a memorizar as adiviñas!!
Aquí vos deixamos un pequeno vídeo que resume a experiencia:
