Esta é a nosa contribución ás letras galegas 2019. O alumnado de 6º de Primaria entrevistou na Radio Maraña a Delfín Caseiro, presidente do Padroado Museo da Limia.

Información no blog da biblioteca

E gañamos o Primeiro premio do I Concurso de Podcasts - Radio na Bilblio convocado pola Consellería de Educación. 

Nesta ligazón pódese ver a lista de galardonados

Aquí podedes escoitar o noso podcasts- A xanela cultural. Nesta ocasión adicado ás letras galegas. 

 Parabéns ó profesorado e alumnado participante e moitas grazas a todas as persoas que colaboraron na realización do mesmo

A "Axenda cultural" é un espazo radiofónico de Radio Maraña. Neste caso adicado ás letras galegas.

Poderalo escoitar no blog da biblioteca.

Os mBots tamén interpretan a nosa música. Un gran traballo da profe de música e do alumnado máis grande. Programaron os nosos robots para que interpreten a canción "Ei vai" a dúas voces, cada unha interpretada por un robot.

 Ficheiro coa descripción da actividade

Programación dos robots

No blog da biblioteca recollemos todas as actividades que se levaron a cabo para a celebración das letras galegas.

Pincha para entrar

Co alumnado de 4º,5º,6º elaboramos unha maqueta para traballar o sistema solar cos mBoots.

Unha vez que tivemos todo montado tamán a aproveitamos para traballar cos cursos máis baixos e con infantil

No chan da clase facemos un esquema do sistema solar. Con cinta adhesiva de cor negra marcamos as órbitas dos planetas.  Buscamos información sobre cada planeta e facemos un modelo de cada un en bolas de porespan. Tuneamos os robots coas bolas. Para completar o esquema con cachos de cinta adhesiva de diferentes cores marcamos o cinto de asteroides.

A un lado da órbita da terra marcamos no chan con cinta adhesiva os nomes da estacións do ano e ó outro lado os meses.

Programamos os robots co sigueliñas.

Unha vez que temos  todo montado permítenos realizar diferentes actividades cos diferentes cursos.

-          O alumnado fai de planetas e vanse desprazando pola súa órbita en sentido contario ás agullas do reloxo arredor do sol.

-          Os robots son os planetas. Pómolos a camiñar todos xuntos e vemos cal chega antes e cal tarda máis. Introducimos o concepto de ano e vemos que o ano ten diferentes duracións nos diferentes planetas.

-          Pomos a andar os planetas interiores ou os exteriores.

-          Quedámonos solo co planeta terra, o alumnado séntase no chan, a medida que a terra vai pasando polas diferentes estacións ímolas nomeando. Facemos o mesmo cos diferentes meses do ano.

DIFICULTADES

Para marcar as órbitas axudámonos deste vídeo https://www.youtube.com/watch?v=GMTtTW2uWfw

Cando facemos as letras cos nomes dos meses e as estacións  debemos polas o suficientemente separadas das órbitas para que non teñamos problemas co segueliñas.

Para que nos funcione ben o segueliñas no chan debemos procurar que os robots teñan as baterías ben cargadas

PROPOSTAS DE MELLORA

Intentar programar o robot- planeta terra para que faga os movementos de rotación e translación ó mesmo tempo.

Programar o robot planeta terra para que ó pasar polas diferentes estacións se ilumine o led de abordo dunha cor diferente ou que varíe a intensidade luminosa.

Programar o planeta-robot terra para que a medida que pasa polos diferentes meses ou estacións apareza ese mes ou estación escrito na matriz led. Ou un debuxo coa evolución dunha planta ó longo do ano.

Pincha na imaxe para ver as fotos

Álbum: Robótica en Primaria -> Sistema Solar

O venres día 20 o alumnado máis grande irá de excursión a Santiago de Compostela. Visitaremos STEMlab Galicia, a maior feira educativa para centros educativos e Meteogalicia.

As dúas visitas están enmarcadas dentro de dous proxectos que temos en marcha no cole neste curso.

Robótica en Primaria e Meteoescolas.

Aproveitando que xa temos en marcha a nosa radio. Elaboramos un programa para dar a coñecer o proceso de transformación de espazos durante este curso escolar. Tamén fixemos videos co noso alumnado explicando os diferentes recunchos.

Dado que os imos presentar nunha xuntanza en Madrid dentro do proxecto "Samsung Smart School" foron feitos en castelán.

Pincha nas imaxes para ver os diferentes vídeos

O venres tivemos a visita da parella de escritores Xoan Babarro e Ana Mª Fernández. Todo o alumnado do cole tivo a sorte de escoitar as súas ensinanzas. Ademais aproveitamos para que visitaran a nosa radio e facerlles unha entrevista.

Na galería podedes ver as imaxes e dándolle a reproducir podedes escoitar a entrevista que lle fixeron os nosos superxornalistas.

E non vos perdades os fermosos versos que Xoan lle adicou ó noso concello

Neste curso fomos un dos seleccionados pola Consellería para participar no proxecto piloto "Laboratorio de Radio na Biblio". O pasado xoves tivemos unha xoranda de formación dirixida ó alumnado e ó profesorado por parte do colectivo "Ponte Nas ..... Ondas". Aprendemos normas de dicción, vocalización, como interpretar un texto escrito, como elaborar un guión, traballamos na edición de audios co programa Audacity e como tarea final o alumnado máis grande traballando por parellas elaboraron un guión segundo diferentes temáticas e gravamos o noso primeiro programa de radio.

Preme na foto

Álbum: Radio na Biblio -> Formacion