Canción "Ei vai" con mBots

Os mBots tamén interpretan a nosa música. Un gran traballo da profe de música e do alumnado máis grande. Programaron os nosos robots para que interpreten a canción "Ei vai" a dúas voces, cada unha interpretada por un robot.

 Ficheiro coa descripción da actividade

Programación dos robots

Letras galegas 2018

No blog da biblioteca recollemos todas as actividades que se levaron a cabo para a celebración das letras galegas.

Pincha para entrar

Sistema Solar

Co alumnado de 4º,5º,6º elaboramos unha maqueta para traballar o sistema solar cos mBoots.

Unha vez que tivemos todo montado tamán a aproveitamos para traballar cos cursos máis baixos e con infantil

 

No chan da clase facemos un esquema do sistema solar. Con cinta adhesiva de cor negra marcamos as órbitas dos planetas.  Buscamos información sobre cada planeta e facemos un modelo de cada un en bolas de porespan. Tuneamos os robots coas bolas. Para completar o esquema con cachos de cinta adhesiva de diferentes cores marcamos o cinto de asteroides.

A un lado da órbita da terra marcamos no chan con cinta adhesiva os nomes da estacións do ano e ó outro lado os meses.

Programamos os robots co sigueliñas.

Unha vez que temos  todo montado permítenos realizar diferentes actividades cos diferentes cursos.

-          O alumnado fai de planetas e vanse desprazando pola súa órbita en sentido contario ás agullas do reloxo arredor do sol.

-          Os robots son os planetas. Pómolos a camiñar todos xuntos e vemos cal chega antes e cal tarda máis. Introducimos o concepto de ano e vemos que o ano ten diferentes duracións nos diferentes planetas.

-          Pomos a andar os planetas interiores ou os exteriores.

-          Quedámonos solo co planeta terra, o alumnado séntase no chan, a medida que a terra vai pasando polas diferentes estacións ímolas nomeando. Facemos o mesmo cos diferentes meses do ano.

DIFICULTADES

Para marcar as órbitas axudámonos deste vídeo https://www.youtube.com/watch?v=GMTtTW2uWfw

Cando facemos as letras cos nomes dos meses e as estacións  debemos polas o suficientemente separadas das órbitas para que non teñamos problemas co segueliñas.

Para que nos funcione ben o segueliñas no chan debemos procurar que os robots teñan as baterías ben cargadas

PROPOSTAS DE MELLORA

Intentar programar o robot- planeta terra para que faga os movementos de rotación e translación ó mesmo tempo.

Programar o robot planeta terra para que ó pasar polas diferentes estacións se ilumine o led de abordo dunha cor diferente ou que varíe a intensidade luminosa.

Programar o planeta-robot terra para que a medida que pasa polos diferentes meses ou estacións apareza ese mes ou estación escrito na matriz led. Ou un debuxo coa evolución dunha planta ó longo do ano.

Pincha na imaxe para ver as fotos

 

Álbum: Robótica en Primaria -> Sistema Solar

Visita a Santiago de Compostela

O venres día 20 o alumnado máis grande irá de excursión a Santiago de Compostela. Visitaremos STEMlab Galicia, a maior feira educativa para centros educativos e Meteogalicia.

As dúas visitas están enmarcadas dentro de dous proxectos que temos en marcha no cole neste curso.

Robótica en Primaria e Meteoescolas.

   

Proxecto de transformación de espazos

Aproveitando que xa temos en marcha a nosa radio. Elaboramos un programa para dar a coñecer o proceso de transformación de espazos durante este curso escolar. Tamén fixemos videos co noso alumnado explicando os diferentes recunchos.

Dado que os imos presentar nunha xuntanza en Madrid dentro do proxecto "Samsung Smart School" foron feitos en castelán.

 

Pincha nas imaxes para ver os diferentes vídeos

 
   
   

Os escritores Xoan Babarro e Ana Mª Fernández visitan o cole

O venres tivemos a visita da parella de escritores Xoan Babarro e Ana Mª Fernández. Todo o alumnado do cole tivo a sorte de escoitar as súas ensinanzas. Ademais aproveitamos para que visitaran a nosa radio e facerlles unha entrevista.

Na galería podedes ver as imaxes e dándolle a reproducir podedes escoitar a entrevista que lle fixeron os nosos superxornalistas.

E non vos perdades os fermosos versos que Xoan lle adicou ó noso concello

Xornada de formación laboratorio de Radio na Biblio

Neste curso fomos un dos seleccionados pola Consellería para participar no proxecto piloto "Laboratorio de Radio na Biblio". O pasado xoves tivemos unha xoranda de formación dirixida ó alumnado e ó profesorado por parte do colectivo "Ponte Nas ..... Ondas". Aprendemos normas de dicción, vocalización, como interpretar un texto escrito, como elaborar un guión, traballamos na edición de audios co programa Audacity e como tarea final o alumnado máis grande traballando por parellas elaboraron un guión segundo diferentes temáticas e gravamos o noso primeiro programa de radio.

Preme na foto

Álbum: Radio na Biblio -> Formacion

Día da Paz 2018

Celebramos o Día da Paz na biblioteca.

As nosas colaboradoras colaboraron lendo contos ós máis pequenos. 

Coloreamos mandalas de Paz e con elas elaboramos o noso mural, a árbore das froitas da Paz.

Xogamos cunha plantilla sobre emocións e estados de ánimo cos Escornabots.

Programamos o sensor segueliñas do Mbot e con eles fixemos os camiños coa palabra Paz. Todo un reto.

O alumnado participou na gravación deste vídeo cos nosos desexos de Paz. PREME 

 

Pincha na foto para ver as imaxes.

 

 

Álbum: Curso 2017-18 -> Día da Paz

Luces de Nadal

Na materia de plástica no Nadal traballamos cos nosos robots Mbot. Comezamos construindo casas con caixas de cartón. Logo utilizando a placa Mcore do Mbot, conectamos a matriz led e as luces led. Progrmamos a matriz led con mensaxes de Paz e de Nadal e as luces led para que alumbren cada unha dunha cor.

Colocamos as matrices nos tellados e nas ventás as luces led. E conseguimos iluminar as nosas casas para o Nadal.

Compoñentes do Mboot:

Dous módulos led conectados nos portos 1 e 2

Matriz leds conectada no porto 3

Placa mCore

Web calculadora de color RGB

https://www.w3schools.com/colors/colors_rgb.asp

 

Pincha na foto

Álbum: Robótica en Primaria -> Luces de Nadal

Proxecto Patio

Neste curso 2017-2018 estamos levando a cabo un proxecto de transformacion do patio do colexio. Para levalo a cabo contamos coa colaboración das famlias. Tan pronto como por parte da dirección se lle presentou o proxecto a resposta das familias foi impresionante. Este album de fotos é unha pequena homenaxe a todos/as aqueles que de forma interesada dedicaron o seu tempo libre para compartilo co colexio e crear estes estupendo espazos.

Pincha na foto

Álbum: Proxecto Patio -> Familias
Distribuir contido