CEIP Plurilingüe de Vilar de Barrio

O curso pasados entramos no proxecto LIA de Bibliotecas Escolares. Logo dunha profunda transformación xa temos a nosa biblioteca operativa.

Aquí tedes un vídeo feito polo noso alumnado cos diferentes recunchos 

A nosa pequena contribución á conmemoración do día 25 de novembro

Visita a o blog da nosa biblioteca

Iniciativa do Concello de Vilar de Barrio en colaboración cos centros educativos da Comarca da Limia para promover a creación literaria no ámbito escolar. Actividade enmarcada dentro da celebración da FESTA DA PATACA.

TEMA: A pataca

BASES

1.-PARTICIPANTES

Alumnado dos centros de ensino da comarca da Limia de forma individual ou en grupo.

2.-CATEGORÍAS

1. De 4º a 6º de Primaria

2. 1º e 2º da ESO

3.-FORMATO

Serán traballos inéditos en prosa, en verso ou cómic en lingua galega, escritos a man ou ordenador que poderán ter un debuxo ou ilustración, como complemento ou integrado no texto.

Tamaño: un folio A4 por unha cara.

Todas as composicións deberán ir encabezadas por un título.

4.-PRESENTACIÓN

O alumnado entregará o traballo ó profesor/a identificado pola parte de atrás cun pseudónimo e un sobre pechado que levará por fóra o pseudónimo e dentro os seguintes datos : nome e apelidos, curso e centro educativo.

Os traballos orixinais e os sobres (ambos unidos cun clip) entregaranse na dirección do centro, onde serán custodiados ata que sexan recollidos.

5.- PRAZO

Data límite o 7 de outubro

6.-XURADO

Unha comisión nomeada polo Concello.

7.-PREMIOS

O premio, para todos os participantes, consistirá nun libro que o Concello editará posteriormente, no que se recollerán todos os traballos.

Haberá unha mención especial para os tres primeiros de cada categoría

8.-FALLO DO XURADO

O fallo do xurado farase público o 13 de outubro pola tarde durante os actos de conmemoración da festa da pataca.

9.- DIFUSIÓN

A participación neste certame implica a aceptación das bases e o consentimento para a publicación das obras nun libro que editará o Concello.

No blog da biblioteca recollemos todas as actividades que se levaron a cabo para a celebración das letras galegas.

Pincha para entrar

Celebramos o Día da Paz na biblioteca.

As nosas colaboradoras colaboraron lendo contos ós máis pequenos. 

Coloreamos mandalas de Paz e con elas elaboramos o noso mural, a árbore das froitas da Paz.

Xogamos cunha plantilla sobre emocións e estados de ánimo cos Escornabots.

Programamos o sensor segueliñas do Mbot e con eles fixemos os camiños coa palabra Paz. Todo un reto.

O alumnado participou na gravación deste vídeo cos nosos desexos de Paz. PREME 

Pincha na foto para ver as imaxes.

Álbum: Curso 2017-18 -> Día da Paz

Celebramos as letras galegas xogando con Carlos Casares. Distribuímos ó alumnado en equipos con todas as idades e fixemos varios obradoiros.

Neste obradoiro, utilizando cartóns dos ovos fixemos a formiga esquiadora.

Pincha na imaxe.

Álbum: Curso 16-17 -> Casares_formiga

Celebramos as letras galegas xogando con Carlos Casares. Distribuímos ó alumnado en equipos con todas as idades e fixemos varios obradoiros.

Neste obradoiro o alumnado leu varias obras e puideron practicar varios xogos segundo a obraelixida.

Álbum: Curso 16-17 -> casares_lecturas

Celebramos as letras galegas xogando con Carlos Casares. Distribuímos ó alumnado en equipos con todas as idades e fixemos varios obradoiros.

Neste obradoiro utilizamos as tabletas para realizar as actividades da unidade didáctica enviada pola  Consellería de Educación.

Pincha na imaxe.

Álbum: Curso 16-17 -> Casares_tablets

Celebramos as letras galegas xogando con Carlos Casares. Distribuímos ó alumnado en equipos con todas as idades e fixemos varios obradoiros.

No obradoiro de Scratch o alumnado puido xogar coa galiña azul a cal tiña que atopar os seus ovos.

Tiñamos dous xogos, un para os mais grandes e outro para os pequenos que se fixeron con Scratch.

Pincha na imaxe.

Álbum: Curso 16-17 -> casares_scratch

Celebramos as letras galegas xogando con Carlos Casares. Distribuímos ó alumnado en equipos con todas as idades e fixemos varios obradoiros.

No obradoiro de caricatura, o alumnado uitlizando a aplicación Snote das tabletas pintou unha caricatura de Carlos Casares.

Álbum: Curso 16-17 -> Casares_caricatura