EDLG

O venres 8 de marzo para conmemorar o "Día da Muller Traballadora" investigamos en cada aula sobre diversas personalidades feministas de grande importancia ao longo da historia e hoxe en día. Ete ano os traballos foron dedicados a "Mulleres de Sal" (relacionadas ao mar en algún aspecto da súa vida). Aquí vos deixamos unha mostra deste traballo. 

Por outra parte, ese venres 8 realizamos un photocall e unha milla diferente colocando os traballos en paneis ao longo do percorrido.

Con motivo da conmemoración  do día de Rosalía  os nenos e nenas do Sto. André de Xeve  decidimos celebralo tuneando unha das súas fotografías. Traballamos moito nesta actividade, dende os máis cativos, que hai que ver que retratos lle fixeron, ata os maiores que tamén nos esforzamos o noso. Homenaxeámola porque  Rosalía deulle prestixio ó galego cando o usou como lingua para “Cantares Galegos”, afianzando así o rexurdimento cultural da lingua galega.

Quen lle diría a Rosalía que algún día tantos rapaces e rapazas conmemorarían o 24 de febreiro para  lembrarse dela!

 Pareceríalle incrible, verdade ? 

Pois  agora, se vos parece ben, vexamos a nosa  exposición fotográfica e que a gocedes todos.  

Aquí vos mostramos os traballos de Educación Infantil e os seleccionados de Educación Primaria.

Segundo mandato:

Onte, xoves 14 de febreiro, celebramos no colexio o día de “San Valentín” con diversas actividades . Por unha parte ,os alumnos de 5º e 6º realizaron para a Cooperativa EVEX un mercado gastronómico  “ Batidos de amor” ,no que se degustaron produtos realizados por eles mesmos (paté con produtos do mar, biscoitos variados, madalenas, galletas, bombóns,filloas... e batidos de froitas frescas), todo a prezos moi   asequibles  Organizaron os postos de venda, fixeron o catálogo, colocaron etiquetas e venderon os produtos  , e todo o cole deu boa conta de tan deliciosos e caseiros manxares.

Para este día , os máis pequenos de Educación Infantil, xunto con terceiro e cuarto de EP fixeron “ O faro dos namorados”, mural onde colocaron uns corazóns de cartolina nos que escribiron mensaxes de amor. E para rematar cantaron unha canción  sobre o amor.

Na entrada da Biblioteca colocouse para este día tan especial o “buzón do amor” no que o alumnado podía deixar a súa misiva para quen quixera, anotando o nome do destinatario e o curso.

Para o remate das actividades anteriores , os alumnos de 6º fixeron entrega das cartas aos destinatarios , dando por finalizada unha xornada inesquecible para todos.Por último, queremos amosar o noso agradecemento ás familias, a todo o alumnado participante e ao profesorado pola súa colaboración  e implicación para que todo saíra tan ben . Grazas a todos/as.

 Aquí tedes inmortalizados distintos momentos do día.

FELIZ DÍA DO AMOR E DA AMIZADE!!!!!!

O último día antes das vacacións celebramos o Nadal de forma especial. Dende Asturies veu visitarnos L'Anguleru, personaxe do Nadal asturiano, que tivemos que adiviñar con pistas que fomos recibindo ás aulas durante a semana. Encantounos a súa visita, e aínda máis as lambetadas que repartiu a todos os nen@s!

Ese día tamén fixemos o intercambio de postais do "amigo invisible" e traballamos un montón, coa colaboración dalgunhas mamás e papás, nos obradoiros de Nadal.

Para rematar o día, os rapaces e rapazas de sexto traballaron arreo preparándonos e servíndonos unha merecidísima chocolatada cunha rosca!!!! Bo proveito!!!!