Prezadas familias:

Nesta época tan especial, o claustro de profesores e profesoras do CEIP Raquel Camacho queremos expresar o noso máis sincero agradecemento por confiar en nós para a formación e educación dos seus fillos e fillas. A súa confianza impúlsanos a seguir medrando e mellorando. Agardamos que estas festas estean cheas de paz e alegría e que gocen de bos momentos xunto aos seus seres queridos.

Felices Festas e que o próximo ano estea repleto de éxitos, aprendizaxe e novas oportunidades para todas e todos!

Vémonos de novo o luns día 8 de xaneiro de 2024.