blogue deADMIN

CAMIÑANDO A SANTIAGO

3 Maio, 2019 - 13:42 — ADMIN

Este ano estamos a facer no cole un proxecto sobre os camiños de Santiago. Entre eles, sobre o camiño da Xeira Romana e dos Arrieiros, que parte de Braga e despois de percorrer terras de Ourense e Pontevedra atravesa a nosa vila e entra na provincia da Coruña por Pontevea. Tamén ten outra variante que vai por Pardemarín, Ribeira e intérnase na provincia da Coruña por Sarandón.

Hoxe fomos peregrinos por un día e andamos parte dese camiño. O alumnado/a e mestres/as de 3º a 6º curso de Educación Primaria camiñamos dende Tabeirós á Estrada e os alumnos/as de 5º e 6º de Educación Infantil e 1º e 2º de Educación Primaria fixémolo dende as escolas de Guimarei.

Mentres camiñamos fixámonos en algunhas construcións que hai neste tramo do camiño e teñen a Santiago coma protagonista: o peto de ánimas coa súa inscrición " Al Caminante" , a ermida da Consolación construida en 1680 porque se atopou alí unha imaxe da virxe e onde hai unha imaxe de Santiago Matamouros de peregrino, a igrexa de Tabeirós onde se atopa outra imaxe do apóstolo mirando cara Compostela, para indicarlle aos peregrinos por onde teñen que ir. Entramos en Guimarei pola Ponte de Xerliz e preto de alí hai un cruceiro coa figura do apóstolo e a igrexa parroquial dedicada a San Xiao. Pasamos ao lado da Torre de Guimarei e xa na vila chegamos de volta ao cole!

ENTROIDO 2019

1 Marzo, 2019 - 11:04 — ADMIN

Durante esta semana, os nenos e nenas seguimos os mandados de Viondiño. Comezando polo sombreiro, cada día fomos engadindo complementos ao noso traxe ata convertirnos en auténticos peregrinos!

Chegou o gran día da festa do Entroido. Para celebralo viñemos tódolos nenos e nenas disfrazados do que mais nos gustaba, comemos produtos típicos desta data e bailamos sen parar.

Ademais fixemos un atranque como o xenerais do Ulla, neste enlace pódese ver que ben o fixemos.https://youtu.be/slOKOF-yW9w

QUE VIVA O ENTROIDO NO PÉREZ VIONDI!

FESTIVAL NADAL

20 Decembro, 2018 - 12:37 — ADMIN

Rematamos o primeiro trimestre, celebrando o festival de Nadal coas seguintes actuacións:

- 4º INFANTIL A: BAILE " O TWIST DA NAVIDAD"

- 4º INFANTIL B: BAILE " MUÑECO DE NIEVE"

- 2º DE PRIMARIA: PANXOLIÑA "O APALPADOR"

- 4ºB DE PRIMARIA: OBRA DE TEATRO "A RATIÑA FEROZ"

- 4º B DE PRIMARIA: OBRA DE TEATRO " O MERLO BLANCO"

- 6º DE PRIMARIA: OBRA DE TEATRO: " SON UNHA NOZ"

- 6º DE PRIMARIA: BAILE " WATCH ME"

MAGOSTO

12 Novembro, 2018 - 13:25 — ADMIN

O pasado venres celebramos o magosto. Aínda que a choiva non nos deixou facer actividades no exterior, si que poidemos comer castañas asadas.

Que boas estaban!

SAMAÍN!!!!

31 Outubro, 2018 - 14:46 — ADMIN

Celebramos o Samaín disfrazándonos de persoaxes de medo, asistimos a representación teatral "corre corre cabaciña" interpretada polas mestras de infantil e decoramos todo o colexio con cabazas teroríficas.

Agradecer ás familias a participación na elaboración das cabazas

CARREIRA SOLIDARIA

30 Outubro, 2018 - 11:06 — ADMIN

O pasado venres batimos o récord en solidaridade xa que participamos na carreira solidaria para recaudar fondos contra a leucemia infantil, dentro da campaña Unoentreciemil.

A carreira realizouse nos patios exteriores do colexio e foron asequibles a todas as idades.

Gracias a todos/as polas aportacións!!

Festival fin de curso

21 Xuño, 2018 - 23:33 — ADMIN

O pasado 19 de xuño celebramos o festival de fin de curso no teatro principal.

O noso programa era o seguinte:

5º B de E.I. representaron a obra de teatro " A pulga e o piollo".

5º A de E.I. bailaron o "rock de la carcel".

1º B de E.P. representaron a obra de teatro "Paroladas ao teléfono".

4º A de E.P. representaron a obra de teatro " Os antollos de Margarida".

E rematamos coas pezas musicais "A Bela e a besta"e " Forrest Gump " que tocaron uns alumnos/as de 5º de E.P.

Ata o vindeiro curso!!!

Voz natura

21 Xuño, 2018 - 23:05 — ADMIN

Este curso participamos no proxecto Voz natura axunto un resumo.

Descrición.

Como homenaxe ao patrimonio etnográfico do noso concello/comarca participarmos en “Voz Natura” co proxecto titulado “A NOSA ALDEA”para fomentar o achegamento do noso alumnado ao entorno natural e etnográfico e espertar neles o interese polo coidado e preservación do mesmo. Ao mesmo tempo aproveitamos este proxecto para mellorar a competencia lingüística dos nosos alumnos /as e incrementar o vocabulario relacionado coas costumes, tradicións,festas, árbores, plantas , flores, apeiros, reciclaxe...

Este proxecto consta de varias fases:

!º Trimestre:

1.Estudo do concello a nivel xeral,partindo dunha maqueta do concello elaborada en anos anteriores

2.Elaboración dunha listaxe de parroquias.

3.Busca documental e presencial de elementos etnográficos característicos de cada unha delas.

2º trimestre:

1.Recompilación de todo o material e información recollidas para a súa utilización posterior.

2.Os alumnos/as plasmaron en debuxos,murais... as súas ideas dunha aldea.

3.Elaboración dunha maqueta dunha aldea na que se vexan representados os elementos etnográficos estudado

3º trimestre:

Remate da maqueta e exposición da mesma.

Visítanos Paula Carballeira

1 Xuño, 2018 - 16:40 — ADMIN

O xoves 31 de maio veu a visitarnos Paula Carballeira.Os alumnos/as de 3º ,4º,5ºe 6º estivemos moi atentos as súas historias.

Ademais o alumnado de 4º leramos o seu libro "bruxa e familia",sobre o que fixemos uns traballos para presentarllos.

4º A realizamos uns murais en conxunto que o xoves colgamos na parede dereita do salón de actos ,para que se puideran ler, ademais de facerlle un retrato para darlle a benvida .