4º Ed. Infantil

ELABORACIÓN DO CONTO: "LA PEQUEÑA ORUGA GLOTONA". 4º E.I.-B

1 Maio, 2024 - 13:56 — mariafurelosben

Logo de ver o conto: "La pequeña oruga glotona", co cal traballamos: os días da semana, os números, a importancia de comer moderadamente, así como o ciclo de vida das bolboretas, cada neno/a realizou o seu propio conto para levarse a casa. Podedes ver unhas fotos pinchando na imaxe.

SEMANA DA SAÚDE

19 Abril, 2024 - 00:19 — mariafurelosben

Con motivo do Día Internacional do Deporte (6 de abril) e do Día Mundial da Saúde (7 de abril), celebramos a Semana da Saúde realizando as seguintes actividades:

1. Visita e charla da nutricionista Clara Torres acerca de qué alimentos son saudables, cales non e por qué. Posteriormente entregou a cada neno/a unha ficha con debuxos de alimentos saudables e non saudables, na que os/as nenos/as debían de colorear os alimentos saudables.

2. Retos durante os recreos: cando soaba a música no recreo debíamos de realizar o reto que se indicaba nun panel durante un minuto. Dada a boa acollida que tivo esta actividade, decidiuse continuar realizándoa durante este mes de abril.

3. “Masterchef Viondi”: proposta voluntaria na que o alumnado que quisexe podía debuxar, deseñar con recortes de xornal ou revista ou facer unha fotografía dun prato saudable, así como indicar os ingredientes que o compoñían. Houbo unha gran participación tanto de alumnado de Educación Infantil como de Educación Primaria. Moitas grazas a todos/as aqueles que participástedes! Logo das votacións de todo o profesorado e alumnado que quixo votar pola mellor proposta, saiu elexida con 37 votos: Naiara (alumna de Educación Primaria) co prato: “Fídeos de arroz salteado con verduras e salmón”.

4. O ciclo de Educación Infantil realizamos unha andaina pola contorna próxima de aproximadamente 1 km. Durante a mesma, tivemos a sorte de atopar dous fermosos cabalos. Posteriormente merendamos na Alameda da Estrada e desfrutamos do parque nos columpios.

Podedes ver unas fotos pinchando na imaxe.

VISITA Á EXPOSICIÓN: "EMOCIÓNS EN PERIGO" DE TIM FLACH E REALIZACIÓN DUN OBRADOIRO NA SEDE AFUNDACIÓN SANTIAGO DE COMPOSTELA. 4º E.I.-B.

22 Marzo, 2024 - 00:22 — mariafurelosben

O día 21 de marzo acudimos á Sede Afundación Santiago de Compostela, onde tivemos unha visita guiada da exposición: "Emocións en perigo" de Tim Flach e un obradoiro consistente en realizar un xabón coa forma dalgún dos animais vistos na exposición. Posteriormente, "merendamos" na Sede Afundación Santiago, xa que convidáronnos a facelo alí e considerámolo máis oportuno ao ter máis comodidades. Finalmente fomos ata á Alameda, onde nos recolleu o autobús de volta. Podedes ver unhas fotos premendo na imaxe.

RETRATOS CREATIVOS E DIVERTIDOS. 4º E.I.-B

4 Marzo, 2024 - 00:15 — mariafurelosben

Tendo en comta que estamos a traballar o corpo humano, e co obxecto de que os/as nenos/as sexan quenes de interiorizar e representar as partes da cara, cada neno/a fixo tres retratos creativos e divertidos elexindo entre variedade de pegatinas. Premede na imaxe para ver máis fotos.

CELEBRACIÓN DO DÍA DE ROSALÍA DE CASTRO. 4º E.I.-B

3 Marzo, 2024 - 23:55 — mariafurelosben

Con motivo do día de Rosalía de Castro, vimos o conto no que Blanca Millán ilustra o poema de Rosalía de Castro: "Miña casa, meu lar". Posteriormente, os/as nenos/as pintaron unha casiña na que figuraba a imaxe de Rosalía de Castro e o título do poema visto e colocámoslle uns depresores de cores. Podedes ver unha foto premendo na imaxe.

CELEBRACIÓN DO ENTROIDO. 4º E.I.-B

15 Febreiro, 2024 - 01:05 — mariafurelosben

Con motivo da celebración do Entroido, ademais de seguir as comandas establecidas no colexio:

1. Realizamos un anteface, picándolle os ollos e decorándoo con gomets.

2. Tendo en conta que estamos traballando o conto: "O monstro de cores", realizamos unha coroa do monstro de cores. Cada neno/a elexiu a cor da que quería o seu monstro e pintouna con pincel e acuarelas.

3. Unha avoa dun alumno do colexio veu ao centro a amosarnos cómo se fan as filloas á pedra. Mostrounos e explicounos cómo as facía e posteriormente probamos as mesmas.

4. Participamos no desfile do colexio, desfilando e observando o desfile do resto de clases.

Podedes ver unhas fotos premendo na imaxe.

CELEBRACIÓN DO DÍA DA PAZ. 4º E.I.-B

31 Xaneiro, 2024 - 00:52 — mariafurelosben

Con motivo do Día Escolar da Paz e a non violencia, o 30 de xaneiro, vimos o conto: "El libro de la paz" de Todd Parr.

Posteriormente cada neno/a coloreou un debuxo representativo da paz e colocámolos na árbore de Nadal, xunto cos debuxos do resto de nenos/as doutras clases de Educación Infantil, desexando que haxa paz no mundo, así como no noso contorno.

CONTO: SACAPENAS. 4º E.I.-B

21 Xaneiro, 2024 - 02:13 — mariafurelosben

Esta semana vimos o conto: “Sacapenas” de Anthony Browne e cada neno/a elaborou o seu propio sacapenas.

Os/as bonecas/os sacapenas proveñen dunha lenda tradicional de Guatemala. De acordo a esta lenda, cando os/as nenos/as teñen medos ou pesadelos pola noite, deben contarlle aos bonecos/as sacapenas o que queren que se leven antes de deitarse, colocalos debaixo da almofada e darlle unas caricias na panciña para que non lle doan as súas penas, e ao amencer as preocupacións desaparecen.

Podedes ver algunas fotos dos/as nenos/as cos seus bonecos/as premendo na imaxe.

CELEBRACIÓN DO FIN DE ANO. 4º E.I.-B

8 Xaneiro, 2024 - 23:17 — mariafurelosben

O 21 de decembro celebramos o fin de ano con todo o alumnado e profesorado do centro no pabellón do colexio, tomando gusanitos ao ritmo das badaladas. Este día, tivemos varias sorpresas, botádelle un ollo ás fotos premendo na imaxe. Así mesmo, tomamos chocolate con churros en clase.