Con motivo da celebración do Samaín:
- Vimos os contos: “Corre corre cabaciña” e “A casa do rato renato”, así como cancións vencelladas ao Samaín, como: “No Samaín” de Paco Nogueiras, “Samaín” de Mamá Cabra, “Os esqueletos”…
- Colaboramos na elaboración dun photocall xunto co resto de clases de Educación Infantil. Os/as nenos/as de 3 anos realizaron unhas pequenas pantasmas que cubriron con algodón. Posteriormente, fixémonos unha foto no mesmo.
- Algúns nenos/as trouxeron cabazas decoradas ou outros elementos vencellados ao Samaín moi chulos para ambientar o colexio. Moitas grazas!
- Elaboramos unha manualidade cun prato de papel, cada neno/a elexiu se quería facer unha cabaza ou un morcego, pintou o prato con pincel e témpera, os ollos co dedo e témpera, e levaron a mesma para casa.
- Realizamos unha postal dunha pantasma para desexar un feliz Samaín á nosa familia e aos nenos e nenas dun colexio da contorna próxima, plasmando a man con témpera branca nunha cartolina negra, debuxándolle uns ollos e unha boca unha vez seca e decorándoa con pegatinas de estrelas prateadas.
- Participamos en diversos xogos vencellados ao Samaín no ximnasio do colexio: a cabaza tirabolos, o gato papabolas, a pantasma…
Podedes ver unas fotos premendo na imaxe.
