CEIP Plurilingüe O Ruxidoiro

O alumnado de 4º e 6º de primaria tivo o pracer de asistir a unha exposición sobre as orixes do feminismo con antigas alumnas do noso centro. Antía, Irene, Aroa e Antía, xunto con outras compañeiras (Carla e Joana), participaron nun fermoso proxecto "Creando igualdade ofrecemos o mellor de nós"do IES Ferro Couselo co gallo de visibilizar o papel da muller na historia e crear conciencia da necesidade de seguir na reivindicacion da igualdade entre homes e mulleres. 

Noraboa ao profesorado de Xeografía e historia do IES Ferro Couselo polo traballo sobre patrimonio inmaterial con fotografías antigas das familias do alumnado de 1º da ESO.http://alumnadoferrocouselo.simplesite.com/

Moi orgullosas das nosas antigas alumnas, Irene  Novoa, A (Xosé Lois) Antía Freire, Aroa e Antía Alonso, do seu traballo e con que paciencia atenderon á rapazada que foi ver a exposición. Noraboa a todas!

O alumnado de 4º e 5º tivo a sorte de practicar o fútbol sala co Ourense Envialia Fútbol Sala Feminino. Ademais de coñecer de primeira man este deporte, coñeceron a dúas xogadoras do primeiro equipo: Vane e Chiky. 

Grazas por vir! O vindeiro curso repetiremos!

Hoxe participamos no Correlingua: unha xornada de convivencia na que aprendemos máis sobre a nosa cultura e a nosa lingua a través de xogos e cancións, ademais de coñecer nenos e nenas doutros colexios. Xogamos á turrasoga, ao paracaídas, á ra, carreiras de sacos, camiñamos cos zancos... Ao rematar repartiron os premios ás pancartas co lema "O galego é a fórmula". O alumnado de 5ºA creou un deseño moi orixinal. E resultou que os gañadores do primeiro premio foron...

Ao rematar na Praza Maior, ocupamos as rúas ata ao Auditorio onde cantamos e bailamos. Aí vos deixamos a participación dos nenos e nenas de 5ºA. 

 Noraboa ao alumnado de 5ºA polo traballo realizado e ao resto do alumnado polo apoio e colaboración.

O alumnado de 5º e 6º de primaria participou no "Día da bici", unha iniciativa enmarcada dentro do progrma de Mobilidade sostible e segura. Foron ata o CEIP Filomena Dato onde se reniron co alumnado dese centro. Fixeron o camiño de volta todos e todas xuntos/as. A pesar das nubes, puidemos disfrutar do circuito, prestando atención ás normas de circulación e seguridade. Agradecemos ao persoal de Protección Civil e á Policía Local pola súa labor.

O alumnado de 5º de educación infantil participou nun obradoiro de ciencia divertida.

Aprenderon a coidar mellor os seus dentiños elaborando a súa propia pasta de dentes, de diferentes cores e sabores.

Coñeceron á mestra Dona Pati Patidifusa e ao mestre Don Illo Pepinillo.

Os nosos dentiños han quedar limpos e relucentes!