Un ano máis, o alumnado de sexto traballaou arreo organizando e levando a cabo os xogos populares.
Foron un éxito. Grazas, de novo, pola vosa colaboración, sempre cun sorriso e boa disposición!
Nuns días colgaremos o vídeo con todas as fotos e vídeos desta celebración no colexio. Estade atent@s!
O vindeiro martes 12 de novembro celebraremos o magosto no colexio.
Para colaborar coa festa o alumnado deberá traer unha bolsiña de castañas xa amoxetadas.
Comezaremos cunha xincana de xogos populares a cargo do alumnado de sexto como voluntari@s. Tragacastañas, as chapas, carreiras de sacos, turrasoga, o pano e moitos máis!
Despois dos xogos, para recuperar forzas, o centro convidará ao alumnado a un boliño preñado.
Ademais, teremos a visita dunha castañeira coa que nos poderemos sacar fotos que subiremos á web do centro. (só o alumnado con autorización).
Remataremos a xornada coas tradicionais castañas asadas e música popular.
No comedor haberá un menú típico de magosto.
