Skip to Content

Entroido

'MÁNDAME UN WHATSAPP' VERSIÓN XUVENCOS

Aquí podedes escoitar a versión da canción 'Mándame un whatsapp' cantada por alumn@s do centro, coa que desfilamos e bailamos no entroido.

CANCIÓN 'MÁNDAME UN WHATSAPP'

INFORMACIÓN PARA O ENTROIDO 2019

Preme nos arquivos adxuntos a continuación para ver a información deste entroido:

 

Entroido 2014

Un ano máis imos celebrar o entroido no cole de Boborás.

Coma o ano pasado, neste libro web iremos reflictindo todas as novas en relación á celebración do entroido 2014 no noso centro.

Este ano tamén cumpriremos as mandas que o meco nos vai marcando para cada día da semana.

Volveremos a realizar o desfile de entroido o xoves de comadres e a el está invitada toda a comunidade educativa. Ao remate teremos a tradicional chocolatada.

O concurso de disfraces volverá a ser o venres, como despedida do entroido2014.

Durante toda a semana cumpriremos as mandas do meco.

Animámosvos a participar a todas e todos!!

Feliz entroido!!

Repositorio de recursos para o entroido

Neste libro iremos reflectindo os  recursos que consideremos de interese para traballar co noso alumnado nas aulas.

O entroido en Galiza

O Entroido é unha festa popular que ten a súa orixe como indicación da fin do inverno e o comezo da primavera. Nel conflúen rituais cristiáns e pagáns, sendo a época na que se poden romper tódalas normas, cambiar de personalidade ou identidade e ironizar sobre as institucións máis asentadas. É, sen dúbida, a festa máis irreverente do calendario galego. Foi por iso que se prohibiu durante a época franquista, malia que se mantivo vivo nas aldeas.

Os entroidos máis famosos do país son, sen dúbida, os ourensáns. Laza, Verín e Xinzo convértense por uns días nas capitais de Galiza. Os peliqueiros e cigarróns centran a atención dos visitantes, pero a dúbida asalta ao preguntármonos pola súa orixe: hai quen di que veñen dos cobradores de tributos dos condes de Monterrei, que posuían unha zamarra coa que castigaban aos morosos que non pagasen a tempo. Sen embargo, tanto Vicente Risco coma Bouza Brey viron neles unha orixe moito máis antiga. Risco cría que proviña das asociacións segredas primitivas ou de ritos sagrados e Bouza supón que as súas orixes pertencen á prehistoria, coma unha evolución de vellas cerimonias tribais.

Entroido 2013

Neste libro web iremos reflictindo todas as novas en relación á celebración do entroido 2013 no noso centro.

Este ano tamén cumpriremos as mandas que o meco nos vai marcando para cada día da semana.

Con respecto a outros anos, este curso realizaremos o desfile de entroido o xoves de comadres e a el está invitado toda a comunidade educativa. Ao remate teremos a tradicional chocolatada.

O concurso de disfraces pasámolo para o venres, como despedida do entroido2013.

Animámosvos a participar a todas e todos!!

Feliz entroido!!

Celebración do entroido 2012

XOVES DE COMADRES

O xoves 16 de febreiro celebramos o xoves de comadres no colexio. Todo o alumnado e profesorado asistiu disfrazado ao colexio. Este ano a imaxinación na confección dos disfraces foi espectacular e a calidade e orixinalidade dos mesmos provocou que foran moitos os premiados no desfile de disfraces que realizamos pola tarde.

Foi unha xornada educativa-festiva na que estivo presente o espírito rural e enxebre desta festa na que non faltou boa música para mover o esqueleto sen parar.

  • Podes ver máis imaxes na Galería do Colexio 
  • Estamos elaborando o vídeo desta celebración que pronto será colgado na web.

VENRES DE ENTROIDO

O venres 17 de febreiro, como acto final da semana do entroido, realizamos o desfile de entroido desde o colexio ata o Concello de Boborás, pasando polas principais rúas do pobo. A participación da comunidade educativa foi moi alta, a pesar da hora en que se celebrou. 

Este ano o tema central do entroido foi o conto de "Brancaneves e os sete ananiños", na galería de imaxes podedes observar o lucidos que quedaron os disfraces que elaboraron os nenos e nenas con axuda dos seus mestres e mestras.

Como colofón final, a esta celebración, invitámos a todas e todos os participantes no evento a unha chocolatada con churros e bica elaborada pola nosa fabulosa cociñeira Ana.  

  • Podes ver máis imaxes na Galería do Colexio 
  • Estamos elaborando o vídeo desta celebración que pronto será colgado na web.

Mandas do entroido 2012

Xa chegou o entroido a Boborás!!

Este ano o meco tráenos as seguintes mandas

MANDAS DO MECO

O luns, trece
trae algo na cabeza,
pois comeza o entroido
que non che de pereza.

O martes, día catorce
trae os zapatos diferentes,
e ponte algo vermello
se namorado te sentes.

O mércores, día quince
no teu corpo has de poñer
algo que chame a atención
e simpático deberá ser.

O xoves, día dezaseis
se no cole queres entrar
disfrázate do que queiras
e así poderás pasar.

E o venres, día dezasete...
¡¡Brancaneves e os ananiños
por Boborás desfilarán
e a gran chocolatada comerán!!

 Invitación

 

 Descargar mandas


 

 


 

 

Na seguinte ligazón podedes ver as imaxes do alumnado disfrazado coas mandas que o meco vai dando

 

 

Coplas entroido 2012

COPLAS ENTROIDO 2012

(Música da cantiga popular “O voso galo comadre”)

 

Retrouso

O entroido xa está aquí,

o entroido xa está aquí.

Vai tapar a cara, vai tapar a cara,

 vai tapar a cara galopín.

 

1ª Estrofa

Amiguiños e amiguiñas

prestade moita atención,

despois dun ano esperando

o entroido comezou.

 

2ª Estrofa

Como estes últimos anos

éste non ía ser menos

imos todos disfrazados

os profesores e os nenos.

 

3ª Estrofa

O disfrace deste ano

é de sobras coñecido.

Brancaneves e seu príncipe,

a bruxa e os ananiños.

 

4ª Estrofa

A pesares dos recortes,

aínda que estamos en crise,

no cole de Boborás

moita esmorga terás.

 

5ª Estrofa

O chocolate con churros

nunca nos pode faltar,

vinde a esta nosa festa

se os queredes degustar.

 

6ª Estrofa

Ata outra compañeiros

deica o ano que ven,

deixade as penas a un lado

que toca pasalo ben.

 

FIN.

 

  

Distribuir contido


by Dr. Radut