Lexislación que regula a admisión.
A solicitude farase preferentemente por medios electrónicos (aplicación admisión alumnado + rexistro), de facerse no centro, secretaría estará aberta de 09:00 a 14:00, non é necesario pedir cita previa.
Aplicación "admisionalumnado"- Importante_ Logo de cubrir na aplicación débense seguir os pasos para asinar dixitalmente e crear rexistro de entrada.
Importante: Se o/a alumno/a está matriculado noutro centro é necesario presentar certificado de matrícula.
Nota informativa:
Todo o alumnado poderá presentar solicitude de admisión, pedindo ata 6 centro por orde de preferente, e alegar os criterios de admisión que pretenda que se lle valoren. Esta solicitude dirixirase ao centro solicitado en primeiro lugar.
Despois de presentar unha solicitude de admisión, para renunciar a ela deberá facerse expresamente indicando no recadro correspondente da nova solicitude que deberá presentarse.
A solicitude de admisión é única para cada alumno/a e terá carácter vinculante. A súa presentación implica que son certos os datos que se indican nela.
A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza reservada a 28 de febreiro (este incluído) poderán ser causa de perda do dereito a participar no procedemento nos termos previstos no artigo 8 da orde do 21 de outubro de 2022( Situación alumnado que reservou praza nun centro adscrito).
O alumnado que ten praza neste centro non ten que volver realizar o proceso para o vindeiro curso, dado que ten a praza ata rematar a escolaridade no colexio (6º EP). Este procedemento so é para alumnado de nova incorporación.