Hoxe o alumnado de 5º de Ed. Primaria asistou á Gala Final da Reserva da Biosfera onde expuxeron o seu traballo sobre o proxecto no que estiveron traballando; dito traballo versaba sobre a auga: os usos, de onde ven, a ETAP... gran traballo o exposto! Noraboa!
Coa chegada do bo tempo e o cambio que se produce no entorno aproveitamos a semana das letras galegas para fomentar unha tradición: A creación de alfombras naturais e impulsar o noso PDI de arte.
A Fundación Abrente veunos dar unha charla sobre o deporte adaptado e sobre a importancia de adoptar sempre as medidas de seguridade indo en vehículos.
A Consellería de Educación, Universidade e FP a través da Xefatura Territorial construíu no noso centro dúas aulas novas, que xa comezaron a ser empregadas polo alumnado de 1º de Educación Primaria. Deste xeito, conseguimos ter un espazo para impartir as clases de Ed. Musical, habilitando unha das antigas aulas de primaria para dito fin.
O persoal do Concello trasladou todos os mobles e colocou as pizarras.
O martes día 20, conmemoramos o Día Internacional Da Infancia. Para iso fixemos unha gran roda arredor do colexio xuntando as nosas mans para abrazalo, tendo en conta a importancia de que o abrazo era moi igual e moi diferente, porque cada un de nós é diferente. Aproveitamos para que, este abrazo, fose tamén sinal de vida saudable; Este curso todo o centro está inscrito dentro do Plan Proxecta Proxecto Deportivo de Centro: Unha milla diaria, a través do cal pretendemos fomentar unha vida sa baseada na actividade física e na alimentación saudable, por iso, este día a nosa actividade física percorría o centro.
O mércores o equipo de plurilingüismo organizou uns xogos, nos que se ensalzaba a tradición do halloween. Co cal os distintos cursos na súa hora de ou ben lingua inglesa ou ben materia plurilingüe baixaron ata o patio planchero para levalos a cabo.
