Actividades curso 2023.24

Unha nova forma de aprender palabras novas en galegos é a través do Dígocho- Eu. Preséntase unha palabra ao alumnado para intentar investigar o que é, e logo, trabállase sobre ela! Mirade que ideas temos de cousiñas relacionadas coas olimpíadas. 

O día 17 de abril celebramos o Día da Educación Física na Rúa 2024, este ano co lema "Educación Física e saúde mental", con distintas actividades lúdico-recreativas que tiveron lugar no Paseo Marítimo de Sada. Na xornada participou alumnado de todos os centros educativos da nosa localidade:  CEIP O Mosteirón, CEIP Pedro Barrié de la Maza, I.E.S Isaac Díaz Pardo, I.E.S O Mosteirón e CEIP Sada y sus Contornos. 

A actividade contou coa colaboración do Concello de Sada na súa organización e a participación de distintos clubs deportivos: Club Taekwondo Sada, Club Atletismo Sada, Club Salvamento Sada,  Sadanza e Karts Manolo. Grazas a todos eles.

Fotos da actividade

Clica na imaxe para ver o vídeo da xornada 

O venres 22 recreamos a ENKI no cole en forma de olimpíada e finalizamos coa batukada de Iguatuke, da Fundación Igualarte. 

Dende esta semana podemos desfrutar dunha exposición de traxes tradicionais cedidos de balde pola Asociación de Música e Danza Tradicional Queiroa, dous traxes de gala (home e muller) e dous traxes de época (home e muller). A principal diferencia entre ambos é a súa época sendo o de época máis moderno (aprox. época modernista, finais do s. XIX ou principios do s. XX) e o de gala máis antigo (uns 200 anos atrás). Tamén se observan diferencias na súa ostentosidade, xa que o de gala vestíase en festas, vodas, romarías e cerimonias relixiosas e que hoxe en día levan moitas agrupacións de música tradicional, por iso é polo que sexa o máis coñecido fóra e dentro de Galicia.