Chegado o Entroido e chegada das tradicións... Desta volta, recuperamos a tradición de correr os xoves de compadres e comadres nun momento lúdico e divertido ao aire libre para o alumnado.
Pero para poder correr os mecos, primeiro hai que facelos,os nosos maiores (rapaces e rapazas de 5º e 6º) foron en dúas sesións visitar aos outros maiores do centro de día próximo, para compartir momentos de ledicia e creatividade empregando materiais de refugallo para construir os mequiños (periódicos, papeis, tapóns, plásticos...)
Unha xornada tranquila na que compartimos experiencias e gañamos en recordos bonitos para as nosas memorias.
Para rematar o entroido no cole, tras o xoves de comadres, e dar o pistoletazo de saída á troula e festa con amig@s e familia fóra do centro, propuxémoslles as nosas benqueridas familias, a elaboración dalgunha sobremesa típica do Entroido, que despois compartimos nunha xornada de risas, desfile de disfraces, xogos, música, baile, confidencias...
Coma sempre, non nos defraudaron e prepararon con agarimo moitas sobremesas (orellas de Entroido, filloas de leite, biscoitos, hoxaldres de mazá, tarta de améndoas....) e como non tendo en conta as intolerancias habidas no cole entre o noso alumnado. Acompañamos os doces cunha chocolatada...ummm que rico!!
Dende aquí, queremos agradecervos de corazón a participación, con pouco máis a cambio que o tempo compartido con nós...
Grazas dende o Baliño!! Quedounos moi bo sabor de boca, non descartamos "tirar" de vós moitas veces máis...un pracer. SODES XENIAIS!
No Entroido traballamos a reo para que todo quedase perfecto e os disfraces fosen chamativos e divertidos.
Algunhas mestras decidiron realizar uns deseños en CANVA para "darlle o toque de humor" aos disfraces da rapazada, traballando así unha actividade relacionada cos Polos Creativos, proxecto de formación no que participamos. Como por exemplo, os disfraces dos pescadores e pescadoras que levaban unha pegatina que dicía: "Licenza de pesca fluvial na Ribeira Sacra" ou os disfraces de apicultores e apicultoras nos que podíamos ver o logo da súa marca "Apicultor@s de Pantón".
A temática como xa se mencionou estivo enmarcada dentro do Pdi do Baliño "Coñecendo a nosa provincia Lucus Augusti"
Polo día da Paz, 30 de xaneiro, no Baliño coma os últimos anos fixemos "kilómetros" solidarios na nosa Carreira anual da Paz, na que recollemos voluntariamente material escolar que logo cedemos a Cáritas para nenos e nenas que o precisen.
Como agasallo aos participantes, rapaces e rapazas de todos os cursos realizaron unhas estrelas de paz con pallas de cartón de refugallo. Todo un arte de creatividade ademais dunha actividade de motricidade fina e paciencia. Que vos parece a idea?
Dende o departamento de música, propúsoxelles ao alumnado actividades artísticas a modo "Got Talent". A rapazada, voluntariamente e por decisión propio, decidiu elaborar cartaces e murais empregando cartóns de caixas de paquetes reciclados para a decoración das súas actuacións..
Velaquí os tendes atarefados e atarefadas pintando... Son ou non son uns artistas? NÓS TÉMOLO MOI CLARO
Os máis pequenos e pequenas do cole xunto coa súa titora, realizaron diferentes elementos decorativos para Nadal de material de refugallo que seguro quedaron xenial nas súas casiñas durante as festas en familia.
Empregaron botellas de plástico para facer árbores de Nadal, reciclaron CD,s de música para facer bolas personalizadas para colgar das súas árbores familiares, flores co rolo de cartón dos papeis hixiénicos....CANTA CREATIVIDADE!!!
Que importante é concienciar da posibilidade de lle dar un segundo uso as cousiñas e os materiais que nos atopamos na vida cotiá!
Podedes coller ideas para realizalos nas vosas casiñas e pasar un rato de diversión en familia.
Incluso aproveitaron o resto dun porexpan dun paquete para decorar a entrada da súa aula cunha árbore pintada por eles e elas mesmos.
Pois cremos que este ano montaremos a nosa propia producción alimentaria...jajajaj. Entre os productos que nos dá a nosa horta e o que nos animamos a elaborar (marmelo, iogures...)... dádenos un pouco de tempo e xa o veredes! O pdi "Coñecendo a nosa provincia", lévanos a recordar coma os nosos antepasados elaboraban os seus alimentos na casiña, en familia, aproveitando as colleitas...
A rapazada de 3º e 4º acompañada dos mestres animouse agora a facer nada máis e nada menos que o seu propio pan...Experimentar todos xuntos o proceso foi unha gozada e o rico que lles saíu ao final, un éxito total.
A continuación, deixámosvos fotos do proceso e mailo resultado, acompañado dos ingredientes e pasos para que o poidades elaborar vós mesmos. So fai un pouco de QUERER!
Ingredientes:
Fariña de trigo
Auga
Levadura feita con masa nai
Sal
Pasos elaboración:
1. Disolver sal en auga temperá. Botar nun bol a fariña e facer un volcán cun cráter.
2. Engadir auga e a masa nai, mesturando pouco a pouco e engadindo fariña ata que non se peguen as mans.
3. Cando teñamos unha masa compacta, deixar repousar durante 2 horas (canto máis repouso mellor)
4. Amasar pouco facendo formas ou dividindo a masa en dúas.
5. Deixar repousar 30min mentres prequentamos o forno