Curso 2008/09
VALENTINA
VALENTINA
Chegou unha bolboreta
voando dende Arxentina,
posouse no noso cole,
é a nosa Valentina.
Gústalle ler libros
inventa moitas poesías,
experta en manualidades
ela é toda unha artista.
O seu lugar favorito:
a biblioteca
a sua frase preferida:
“hoxe teño unha sorpresa”.
A misión da bolboreta:
sempre voar e voar,
e ,a nosa Valentina,
para Barcelona se vai.
Que faremos nós agora
sen esa alumna xenial? ...
No seu "pupitre" haberá
uhna planta marabillosa
por si un día soleado
a bolboreta retorna.
5-B
Os pitiños de primeiro
Os pitiños de primeiro
Despois de moito traballar, os pitiños e as galiñas cos nosos peteiros, as nosas cristas, as nosas plumas ...estabamos así de xeitosos!
Se queredes ver o resto de fotos, ide á galería de imaxes.
CONCERTO DIDÁCTICO EN INGLÉS
CONCERTO DIDÁCTICO
As/os alumnas/os de sexto de Educación Primaria viaxaron o pasado mércores, día 11 a Ourense, co gallo de mellorar a súa fala en inglés. O concerto subvencionado pola Editorial Oxford foi traballado previamente pola profesora de inglés e polo profesor de música, do Centro .
Dita actividade resultou moi satisfactoria: o concerto estivo xenial, o dinamizador Dani Griffin unha marabilla e a participación do alumnado no mesmo, todo un éxito. Sabían todas as cancións e respostaron a todas as preguntas que se lles fixeron.
Se queredes ver as fotos.... clicade sobre o enlace. Colgaremos un vídeo de dita actividade, se damos faito¡¡.
POESÍA DE NADAL: "TI BEN VES, TI BEN O SABES"
TI BEN VES, TI BEN O SABES
Pido disculpas a Sabela, porque esta poesía debería "colgala" ela , pero como teño moitas ganas de que os blogs comecen a funcionar ... pois estoume permitindo a licenza de ir introducindo traballos de estes marabillosos alumnos para animalos a que contribúan e participen deste novo medio de comunicación e información. Lela con calma porque é moi, moi fermosa.
Quixera ter as máis fermosas palabras
posuír os termos máis delicados
para dirixirme a ti, meu neno,
coas verbas máis axeitadas,
mais como teño bastante ousadía
púxenme tranquila a escribir
pensado con certa inquietude
todo o que che quería dicir.
Ti ben ves, ti ben o sabes
todo o que no mundo acontece
eu ben sei que estás sufrindo
pois o ben ante o mal perece.
De seguido ocorren desgrazas,
de fame morren vellos e nenos,
as guerras, a violencia,a xustiza
rompen as ilusións dos pequenos.
Tamén terremotos, volcáns,
furacáns e fortes ciclóns
acaban coa vida de moita xente
e destrúen as súas posesións.
Ti ben ves, ti ben o sabes
todo o que deberiamos facer
para evitar que isto suceda
para non deixar o mundo perder.
Aproveitando que é Nadal
pidamos de todo corazón
que os bos desexos se nos cumpran
e que o celebremos con ilusión.
Ti ben ves, ti ben o sabes
que debemos ser solidarios
axudarnos uns aos outros
pois todos somos necesarios.
Para celebrar o teu nacemento
de xeonllos ante o teu portal
rógoche todopoderoso Xesusiño
que reine a paz este Nadal,
que no mundo enteiro
a xente teña no seu corazón
unha razón, un bo motivo
para celebrar estas datas con emoción.
VISITA AO "IES A PINGUELA"
VISITA AO IES A PINGUELA
Oa alumnos e alumnas de sexto de Educación Primaria visitaron o IES A Pinguela co gallo de reforzar os contidos traballados na área de Coñecemento do Medio, relacionados co noso Sistema Solar.
Xa que estaban alí, aproveitaron para coñecer a súa estación meteorolóxica e o Xardín botánico.
Nenos e nenas voltaron moi contentos ao cole porque despois de tanta aprendizaxe pasaron momentos de ledicia na perruquería do IES, xa que alumnas e alumnos do ciclo de perruquería e estética puxeron a todos e todas moi, moi guapos.
E para que vexades que aprenderon moito, na entrada do colexio hai unha exposición dos traballos feitos en relación so Sistema Solar.
Animámosvos a que a visitedes e a que vexades a galería de fotos correspondente á visita.
AS NOSAS FRASES DA PAZ
3 anos- "Todos queremos a PAZ".
4 anos- "PAZ, amor e vida".
5 anos- "La PAZ empieza con una sonrisa".
1º A- "Nós somos a PAZ".
1º B- "A PAZ é fermosa".
2º A- "Queremos todos a PAZ".
2º B- "Sempre queremos PAZ".
3º A- "Que haxa PAZ no mundo ".
3º B- " A PAZ será a nosa meta".
4º A- "O noso ideal: a PAZ".
4º B- "A PAZ está no nosocorazón"
5º A- "A PAZ non é galega, é mundial".
5º B- " PAZ, amor e nenos sen rencor".
6º A- "Sempre compañeiros e compañeiras".
6º B- "A PAZ é cousa de todos".
30 de xaneiro de 2009- DÍA DA PAZ
Construíndo a paz desde a escola
WEBQUEST: CONSTRUÍNDO A PAZ DESDE A ESCOLA
Se queres aprender moito sobre a PAZ: SÍMBOLOS, FRASES, PERSOAS, MÚSICA, ... relacionados con ela clica sobre o enlace.
Teatro en Educación Infantil
As alumnas e alumnos de Educación Infantil disfrutaron dunha sesión de títeres, na que un pequeno grupo de avoas e avós, pertencentes ao Grupo Interxenaracional da Obra Social de Caixa Galicia, representaron para todos eles a obra "O rei Chimpín". .
PROXECTO VOZ NATURA CURSO 2008-2009
Que é a natureza?
Mª Carmen Iglesias- Titora 3ºB