Blog de biblioteca

OS VENRES... UN CONTO, OBRADOIRO DE PINTURA E VOLUNTARIADO

Dom, 04/28/2024 - 19:19

Rematamos a Semana do Libro cun recoñecemento aos nosos bibliocolaboradores de 6º entregandolles un lápiz cun bibliotoppers co logo da biblioteca deseñado por Richi, profe de Educación Física.

Seguidamente tivo lugar un obradoiro de debuxo impartido por tres voluntarias de 4ºA

e unha sesión de contacontos cos Video Libros realizados pola comunidade educativa e Biblioforte TV, aloxados en Biblioforte dixital.

Grazas a todos os que participaron nesta Semana do Libro.

ENCONTRO INTERXENERACIONAL: 6 PERSOAS DO HOGAR SAN JOSÉ E ALUMNADO DE INFANTIL E PRIMARIA

Dom, 04/28/2024 - 18:18

ENCONTRO INTERXENERACIONAL - 24 de abril (SEMANA DO LIBRO)

Un dos momentos máis emotivos e familiares do programa de actividades do Día do Libro, foi o encontro do noso alumnado con 6 persoas do Hogar San José.

Nun primeiro momento reuníronse co alumnado de primaria durante o recreo ao que lle recitaron un poema de Rosalía de Castro sobre a emigración, temática próxima a todos eles, dado que todos foron emigrantes. Compartiron con nos algúns momentos vividos como emigrantes lonxe de Galicia.

Ademais, un deles, mostrounos a súa capacidade artística aos 90 anos, tanto para pintar como para debuxar. Debuxos moi valorados polo alumnado.

Encantáronlles!!!

Posteriormente, na Hora de Ler, tivo lugar o encontro co alumnado de infantil na pérgola.

Nesta ocasión cada un deles amosou o seu hobby, entre outros, puidemos ver bailar un bastón,

contemplar uns fermosos debuxos,

aprender os pasos a seguir para sementar na horta, ...

e gozar dun canto tradicional.

Tamén cantamos conxuntamente a Saía da Carolina.

E xa para rematar o alumnado de infantil despediunos cantando a canción de O Moucho de Rosalía de Castro.

En breve o alumnado de infantil devolveremos a visita para compartir a merenda cos nosos amigos do Hogar San José no seu xardín, no momento de plantación da horta.

Grazas pola visita!

Ata pronto!!!

INAUGURACIÓN de BIBLIOFORTE TV - Día do Libro 2024

Dom, 04/28/2024 - 14:15

O proxecto audiovisual RadioForte TV

inaugura unha nova canle de televisión, Biblioforte TV,

canle que nace cun dobre obxectivo: ofrecer un novo recurso, novos fondos (videoteca educativa de creación propia) e unha nova ferramenta para fomentar a alfabetización informacional e o emprego das TICs (produción e edición de vídeos...), contribuíndo ao desenrolo de diferentes habilidades comunicativas e sociais (expresión oral e escrita, escoita, empatía...) así como a traballar directamente os coñecementos curriculares.

Iniciamos a nosa andaina só con VideoLibros, pero agardamos en breve realizar programas de tipo informativo.

Agradecemos a toda a comunidade educativa a súa colaboración e apoio.

Desexamos ser de utilidade.

Si queres vernos Entra >

ENCONTRO CON ANDREA MICC - Día do Libro 2024

Dom, 04/28/2024 - 14:06

Coincidindo co día do libro o alumnado de 5º ten un encontro coa escritora do libro que acaban de ler dentro do itinerario lector.

Foi un encontro cheo de sensibilidade, emocións e cercanía no que lectores e escritora disfrutaron compartindo a historia duns personaxes ficticios con un transfondo persoal que Andrea comparte cos lectores.

Coméntanos o proceso previo a chegada de Crónicas de Vanusum as librerías. Comeza sendo un diario escrito nunha libreta; o proceso de publicación e o anuncio da publicación de Vanusum II.

A natureza está moi presente na vida de Andrea e na súa creación litereraria. Unha exposición de prantas do seu xardín e un vídeo do lugar onde de nena facía que a maxia florecese ambientan e guían este encontro.

Incentivando ao contacto coa natureza, fonte que fai espertar a máxia no noso interior

Ao remate da sesión non quedou ningunha pranta, práticamente todos quixeron levar algunha pranta e un autógrafo.

Ademáis asinounos os exemplares de Crónicas de Vanusum I

e aceptou ser entrevistada fora de hora ,sen ningún problema.

Para finalizar asinou no libro de visitas ilustres

e fixemoslle entrega da estatuiña Biblioforte Honorífica, estatuiña realizada na impresora 3D, deseñada polo profe Richi, todo un artista xeneroso e altruista

Grazas Andrea por acompañarnos no Dia do Libro.

Ata pronto!

23 de abril - Día do Libro: Apadriñamento Lector

Dom, 04/28/2024 - 13:20

Tradicionalmente Biblioforte organiza un apadriñamento lector no patio para conmemorar o día do libro.

Trátase dunha actividade moi ben valorada polo alumnado.

Nesta ocasión a participación foi mais reducida que de costumbre porque o alumnado de infantil e 1º ciclo durante a Hora de Ler estába ausente por asistir a representación teatral do grupo de teatro do colexio e o alumnado de 5º está agardando o Encontro con Andrea Micc.

Organizase o apadriñamento do seguinte xeito: 6ºA con 3ºA, 6ºB con 4ºB e 4ºA con 3ºB. Os padriños recollen un par de contos do carro de biblio patio e van buscar un sobriño /a entre o alumnado do curso correspondente e entre os dous elixiran unha zona do patio de infantil para gozar da lectura.

Fermosas imaxes que reflexan a felicidade de compartir lectura neste entorno tan fermoso.

Parabéns a todos!!!

Programación: Semana do Libro

Dom, 04/28/2024 - 07:19

Start: 23/04/2024 05:43

Timezone: Europe/Madrid

Innaguración de Biblioforte TV

Calendario

COMPARTINDO SABERES: Instalación de Hoteis de Insectos

Mér, 04/17/2024 - 07:35

Aproveitando a formación do noso alumnado de 4º, 5º e 6º recibida o 22 de marzo, na saída ao viveiro de Bóveda, “Os Trollos”, co gaio do día da árbore, onte martes, na hora de ler, tivo lugar unha actividade na que estaba invitado a participar todo o alumnado consistente na instalación dos hoteis de insectos elaborados nesta saída e dous elaborados polas familias no mes de decembro para o Belén. Esta actividade está enmarcada no proxecto lector de centro, desde o que Voz Natura e Biblioforte queremos fomentar o coidado do medio ambiente, nesta ocasión, pondo en valor a importancia dos insectos e a súa protección, sin eles non hai vida. Desde a biblioteca ademais, buscamos fomentar o voluntariado, facilitando e incentivando compartir saberes, de aí que a instalación destes hoteis de insectos no patio organizouse en pequenos grupos nos que os asistentes á “Os Trollos” comparten información co resto do alumnado:

6º A con Infantil - Hoteis familias

6ºB con 1ºB

5º con 2º - no horto

4ºA con 3ºA

4ºB con 3ºB

Nesta ocasión, aproveitando que a titora de 4ºB, Cristina, é a coordinadora de Radio Forte, utilizamos a pérgola e o equipo portátil de radio para conxuntamente realizar un programa de radio en directo a vez co alumnado de 4ºB informa ao alumnado de 3ºB sobre a construcción dun hotel de insectos e a súa funcionalidade.

Un programa no que participaron diferentes locutores e o público podía facer preguntas e comentarios.

Pódes escoitar aquí o programa:

Grazas a todo o alumnado e profesorado participante, por colaborar nesta actividade de concienciación co medio ambiente e de colaboración solidaria de compartir cos mais pequenos os nosos coñecementos.

Parabéns!!!

COMPARTINDO SABERES: Deseño Gráfico - Homenaxe a Akira Toriyama

Mér, 04/17/2024 - 06:54

Exposición: Ilustracións de Dragón Ball por Carlos e Óscar

Carlos M.L. (3ºA) e Oscar M.L. (5ºB) comparten con todos nós unha colección de ilustracións de Dragón Ball coas que aproveitamos para homenaxear e lembrar a Akira Toriyama (5 de abril de 1955, Nagoya - 1 de marzo de 2024, Tokio), recentemente falecido aos 68 anos.

Akira Toriyama, creador de Dragon Ball, un dos cómics xaponeses máis influentes e de maior circulación de todos os tempos. Dragon Ball é moi popular en todo o mundo e a serie de cómics tamén xerou versións animadas para televisión e películas.

A serie de estampas Dragon Ball abriuse en 1984. Segue as aventuras dun neno chamado Son Goku na súa procura de esferas máxicas que poidan defender a Terra dos humanoides alieníxenas coñecidos como Saiyans.

Parabéns aos nosos ilustradores por esta labor altruísta que está recibindo unha excelente acollida e valoración.

Grazas!

TIMBRE MUSICAL 3º TRIMESTRE

Mér, 04/03/2024 - 06:36

TIMBRE MUSICAL MES DE ABRIL: Mike Oldfied, Sailing

Timbre Musical - Abril 24 de reli sol

DÍA DA POESÍA: Poesía e insectos.

Ven, 03/29/2024 - 12:05

Para celebrar o día da poesía este ano pensamos en relacionar esta celebración coa temática do noso proxecto, Os insectos, así que comezamos buscando poesías sobre esta temática nos libros de poesía de galego que temos na biblio e tamén na internet. Con esos achadegos fixemos unha pequena exposición coa finalidade de dalas a coñecer, fomentar a lectura e a ilustración.