Curso 2019-20, Actividades extraescolares, Outras actividades
Día contra a VIOLENCIA DE XÉNERO
O día 25 de novembro, celebrouse o día internacional contra a violencia de xénero. No centro fixemos distintas actividades para reflexionar sobre este tema como contos, debates, ... Preparamos unha danza coa canción "Déjala que baile" de Alejandro Sanz, Melendi e Arkano e bailámola o luns 25. Tamén participamos en distintos proxectos con outras entidades: colaboramos con distintos colexios para o mural #Equaliter e na campaña "En negro contra as violencias, Vilalba en Negro".
Con motivo desta mesma celebración, o día 3, o alumnado de 1º,2º,3º e 4º asistiu a unha actuación de Titiritrán Teatro que representou a obra "Arturo y Clementina", no Auditorio Municipal de Vilalba
VISITA ao IES "LOIS PEÑA NOVO"
O venres, día 22 de novembro, o alumnado de 6º de Educación Primaria fixo unha saída ao IES Lois Peña Novo para asistir a unhas charlas sobre emprendemento. Estas charlas desenvólvense no marco do Plan eduemprende que vai dirixido a fomentar, motivar e sensibilizar ao alumnadono espíritu emprendedor.
MAGOSTO
O venres, día 15 de novembro, celebramos o Magosto con xogos populares. Debido ao tempo metereolóxico non poidemos facer o lume para asar as castañas. Non comimos castañas pero pasámolo xenial cos xogos cooperativos que nos prepararon os mestres de Educación Física.
SAMAÍN
Este ano no noso cole o Samaín adicámolo ás bruxas. Estamos a preparar unha exposición de vasoiras decoradas, coa participación das familias e ademais temos o III Certame de Debuxos e Relatos de Samaín 2019.
Esperamos a participación total en todas as actividades.
RUGBY NO COLE
O venres, día 25 de outubro o alumnado de 5º e 6º participou no programa "Xoga ao rugby no camiño norte" dentro das actividades do Xacobeo 2021.
CONTACONTOS DE PAULA CARBALLEIRA
O martes 22 de outubro, o alumnado de 1º, 2º, 3º, 4º e 5º de Educación Primaria asistiu, no Auditorio Municipal, a un contacontos levado a cabo pola escritora Paula Carballeira, autora dos libros que estiveron a ler nestes días.
CONTACONTOS NA BIBLIOTECA MUNICIPAL
O día 27 de setembro, o alumnado de 1º,2º e 3º de Educación Primaria asistiu a unha sesión de contacontos na Biblioteca Municipal de Vilalba, desenvolta por "Caxoto" na que, a través dun conto, presentou varios instrumentos tradicionais galegos e que fixo as delicias de todos os nenos e nenas. |
CONSUMO RESPONSABLE E ALIMENTACIÓN SAUDABLE
O mércores, día 25 de setembro, o alumnado de 2º de Primaria realizou unha saída para visitar unha exposición sobre consumo responsable e alimentación saudable de GADIS- Fund. SEEDO, que estivo na Praza da Constitución de Vilalba.
CONCERTO DIDÁCTICO
O martes, día 17 de setembro, a escola de música de Vilalba "ESMUVI", realizou un concerto didáctio no centro, onde participou o alumnado dende 5º de Educación Infantil ata 6º de Educación Primaria. Recrearon un conto intergaláctico musical que chamou a atención dos nenos e nenas.