O día 26 de abril, o alumnado de Educación Infantil, realizou unha excursión á granxa escola de Belelle, onde os nenos e nenas tiveron a oportunidade de coñecer e comprender o medio natural participando en novas experiencias: coidaron, mimaron e alimentaron a animais mamíferos e aves; fixeron pan; participaron na elaboración de compos e plantaron un chícharo. Para rematar fixeron un percorrido polo bosque.

Pasárono estupendamente!

(fotografías)

Con motivo do día do libro (23 de abril) o alumnado de 5º representou, ao longo de toda a semana e en distintas sesións, unha adaptación do conto "O grúfalo" , para todo o alumnado do centro.

Foi unha representación da obra de teatro en papel (kamishibai, de orixe xaponés).

(ver fotos)

O venres, día 18 de marzo, celebramos o día escolar da árbore e a auga. Da deputación mandaron un castiñeiro para plantar ese día, ás 12 da mañá, coincidindo cos demais centros da provincia.

En cada aula escolleuse un nome para a árbore, logo, no momento da plantación con todos os nomes sorteamos e saíu elixido o nome "Pinchín" co que bautizamos o castiñeiro.

(ver fotos)

O venres, día 11 de marzo, o alumnado de Ed. Primaria asistiu ao Auditorio Municipal para ver a  obra de teatro "A verdadeira historia do poeta Manuel María de Paderna" da compañía Lucecús Teatro. Este acto estivo organizado polo Concello.

Con motivo do DÍA DA MULLER TRABALLADORA, o martes, día 8 de marzo, o alumnado dende 1º a 5º de primaria asistiu á representación teatral "Roedores" que tratou de concienciar en valores de igualdade. Este espectáculo estivo organizado polo concello e tivo lugar no Auditorio Municipal de Vilalba.

O Entroido chegou ao noso Cole  e estivo vixiante na entrada esperando a que chegara o seu día que foi o venres, 5.

Celebrámolo cunha festa onde acudiron artistas con renome, de moitos lugares. Para irnos ambientando, cada día o Entroido mandounos traer algunha cousiña divertida.                                (Fotografías)

Estivemos espectantes, a ver que nos mandaba que foi:

                                                  Martes:

O Entroido danos a benvida

nun sillón, moi repanchigado,

e dinos que o martes

poñamos un gran lazo,

detalle que mola mazo.

                                               Mércores:

O Entroido manda desta vez,

traer unha prenda ao revés.

                                              Xoves:

Para vir máis guapos

o Entroido di que...

traigamos diferentes os zapatos.

O venres, día 29 de xaneiro, rematamos a celebración do día da PAZ E NON VIOLENCIA, cantando no patio do Colexio, todos e todas a canción adaptada de "Don´t worry be happy" acompañada de distintos instrumentos. (Fotos)

Durante toda a semana, fóronse facendo nas clases, actividades sobre este tema, adaptadas aos  distintos niveis.

Tamén se realizou, en conxunto cos Centros da localidade, un distintivo referente á PAZ que lucimos durante este día.

O alumnado de Educación Infantil, visitou o xoves, 28 de xaneiro, o "IES LOIS PEÑA NOVO" de Vilalba para continuar unha actividade iniciada o curso pasado de facer chapas. Podes ver algunha fotografía picando aquí.

O martes, día 26 de xaneiro, visitou no Centro, ao alumnado de 5º de primaria a escritora Eli Ríos para facer un obradoiro literario.

fotografías

No Certame de poesía infantil "NADAL 2015" convocado pola Biblioteca Municipal resultaron premiadas as obras das seguintes alumnas e alumnos deste Centro:

"O NADAL" de Sabela González López de 6º de primaria.

"OUTRO NADAL MAIS" de Lucía Díaz Darriba de 6º de primaria.

"SOÑOS DE FELICIDADE" de Rubén Fernández de 6º de primaria.

PARABÉNS!!!!!!!