Ante a situación de actualidade polo Coronavirus (COVID-19), o Departamento de Orientación do CEIP Manuel Rodríguez Sinde a través deste espazo, compartirá con todas as familias diversidade de tarefas, actividades, recursos... en resumo, calquera axuda que vos podamos prestar para pasar esta cuarentena da mellor maneira posible.

Todo o material que vos propoñemos pode adaptarse a calquera etapa e nivel e é especialmente relevante para o alumnado que ten algunha necesidade específica de apoio educativo e tamén para o que recibe o apoio dos especialistas de PT e/ou AL.

É especialmente relevante que sigades as indicacións de cada titor/a e profesorado especialista e que afrontedes estas posibilidades coma unha axuda para reforzar algúns aspectos.

Un saúdo! Alberto (AL), Marcolina e Nerea (PT) e María (orientadora).

E recordade, "TODO VAI SAIR BEN"