Skip to Content

Blogues

Saída escolar: Aeródromo de Rozas e Lugo

Ven, 29/03/2019 - 01:00 — CEIP Plurilingü...

Este xoves o alumnado realizamos unha saída escolar a Castro de Rei e a Lugo para realizar, en horario lectivo habitual, dúas actividades enmarcadas en dous dos Plans Proxecta levados a cabo no centro este curso escolar.

Ao comezo da xornada visitamos en Castro de Rei o Aeródromo de Rozas, saída vinculada ao Plan Proxecta “Mobilidade Sostible e Segura”, co cal o noso alumnado está a observar con espírito crítico os espazos públicos en que se move e as medidas de seguridade a ter en conta en cada caso. Este ano centrámonos nun proxecto ao que chamamos “Por terra, mar e aire” e con esta saída pretendemos ofertar unha experiencia nova para o alumnado, no que poderá afondar máis sobre a aviación e os seus múltiples usos e actividades. Alí puidemos coñecer máis sobre as partes que compoñen distintos tipos de vehículos aéreos e o seu funcionamento. Máis de un e unha quixemos probar algún dos aparellos que vimos alí!

Obradoiro Mobilidade sostible e segura no centro

Lun, 25/03/2019 - 01:00 — CEIP Plurilingü...

Por segundo ano consecutivo, estamos a levar a cabo no centro o plan proxecta "Mobilidade Sostible e Segura" e este ano voltamos a levar a cabo un obradoiro co alumnado do centro.

O curso pasado fixémolo sobre como circulamos en bicicleta no noso entorno, xa que é un medio de mobilidade moi habitual no noso alumnado. Desta volta, relacionado co proxecto deste curso "Por terra, mar e aire", realizamos un obradoiro no que o alumnado realizou diferentes actividades sobre a seguridade vial e como nos desprazamos en diferentes tipos de transporte.

Realizamos este obradoiro transversalmente ao longo das materias da xornada.

Primeiramente repartimos entre o alumnado uns chalecos reflectantes, que solicitamos ao CFR de Lugo, e aprendemos para que se usan e porque son tan importantes para a nosa seguridade na carretera, especialmente de noite.

Logo traballamos a súa competencia lectora mediante unhas lecturas compartidas empregando material dos "Bolechas" sobre seguridade vial. Aprendemos o significado das sinais que atopamos na rúa como peatóns e tamén como conductores e usuarios/as de vehículos de motor.

Logo das lecturas, e para asentar máis os novos contidos, visualizamos uns vídeos de animación e realizamos actividades na pizarra dixital interactiva relacionados cos temas tratados, traballando a súa competencia dixital e poñendo en práctica dunha maneira lúdica o aprendido.

Show must go on...

Mér, 20/03/2019 - 01:00 — CEIP Plurilingü...

Grabando a escena "Lucas e o óso na selva"

Levamos unhas semanas traballando moito na nosa curtametraxe sobre o libro de OQO "Lucas e o óso", libro en lingua galega que estamos adaptando coa técnica de stop-motion pola nosa participación no plan proxecta "Nós tamén creamos".

Logo de realizar as nosas primeiras persoaxes e escenario, decidimos lanzarnos a grabar. O programa que estamos a empregar é o Monkey Jam, recomendando polo propio plan proxecta. Son moitas as cousas que estamos a traballar:

Por unha banda, a iluminación. Estamos a traballar con diferentes lámpadas, pantallas, diferentes ángulos...

Por outra banda estamos a experimentar cos fotogramas por segundo. Dependendo na escena que queremos grabar estamos a empregar diferente número de fotogramas por segundo.

Por último, e o que máis estamos a traballar, é o movemento e como animar as persoaxes. O alumnado está a analizar os movementos do corpo paso a paso, tentando adaptar eses movementos ao tipo de persoaxes que temos na nosa curta.

MULLERES GALEGAS

Mér, 27/02/2019 - 20:57 — CEIP Plurilingü...

Xa temos no noso centro unha nova colección de libros, neste caso sobre Mulleres Galegas, mulleres que foron fundamentais na configuración e no desenvolvemento da sociedade galega contemporánea.

Con este tipo de materiais traballaremos en profundidade a vida e traballo destas mulleres, e non soamente como unha visión anecdótica e secundaria, senon como un aporte importante á sociedade tal e como a coñecemos hoxe en día.

Neste caso son 5 libros sobre 5 mulleres, que destacaron en diferentes campos: na educación, arte, ciencia...

Angeles Alvariño foi unha gran oceanógrafa. PREME AQUÍ

Maruja Mallo, gran pintora surrealista nada na provincia de Lugo. PREME AQUÍ

María Victoria Moreno, escritora de literatura infantil e xuvenil. PREME AQUÍ

EDUCACIÓN SEXUAL

Mar, 19/02/2019 - 01:00 — CEIP Plurilingü...

No centro tivemos unhas charlas de educación sexual promovidas pola Deputación de Lugo, impartidas por médicas/os e sexólogas/os, co que se pretende afondar nun tema moi importante para o desenvolvemento persoal do noso alumnado.

Estas charlas desenvolveronse en dúas fases.

Nunha primeira sesión, desenvolta o día 13 de febreiro, realizouse unha charla xeral sobre a sexualidade, a menstruación e os seus produtos hixíenicos, métodos anticonceptivos e enfermidades de transmisión sexual...

Nunha segunda sesión, desenvolta o 18 de febreiro, o alumnado puido preguntar todas as dúbidas que puideran ter sobre este tema, e todas elas foron respostadas pola ponente que se acercou ao centro.

As charlas foron dinámicas e moi entretidas, nas que estes temas foron tratados con moita naturalidade e dando información real e útil ao alumnado. Fíxose fincapé na autonomía e a aceptación do propio corpo, a diversidade sexual e a normalización dos procesos que o noso corpo vai presentando, como os cambios da puberdade e a regra.

Distribuir contido


by Dr. Radut