Actividades

Durante a  "Semana da Prensa", que este ano o colexio  a vai adicar a analizar  a problemática do acoso escolar, desenvolverase unha  xornada intercentros "Ribeira sen acoso" o vindeiro 9 de marzo, que consistirá nunha sesión matinal en streaming dende o auditorio para alumnado a partir de 5º de EP a cargo do especialista na materia, Javier Pérez Aznar, así como outra sesión destinada a mestras/es e familias de xeito presencial e en streaming pola tarde.

 Como o aforo é limitado é importante que  fagan as inscricións para a charla presencial en normalización@ribeira.gal, xa que contamos coa colaboración da Concellería de Educación e o Servizo de Normalización Lingüística de Ribeira para estas actividades.

Agardamos sexa do seu interese.

Este trimestre os nosos cativos e cativos estiveron a traballar a reo cos seus mestres e mestras para solidarizarse con dúas causas moi importantes:

-recadar fondos para a enfermidade de Dent, colaborando co calendario solidario,

-e o empaquetado agarimoso co papel deseñado por eles e elas, dos alimentos que  trouxeron para compartir coas familias que nos necesitan, nestas datas, se cabe, aínda máis.

Neste vídeo, queren amosarvos un chisco do que fixeron, e tamén desexarvos un moi Bo Nadal. Premede para velo e descargalo.

A nosa ANPA SANTA UXÍA, ten o pracer de convidar a todos os nenos e nenas do  colexio a gozar dun espectáculo de teatro, para escachar coa risa: 

"Bon Apetit".

Para conmemorar o Día Universal da Infancia o noso alumnado cóntanos a través dun vídeo cales son os dereitos do nen@. Podedes velo premendo na imaxe.

Nenos e nenas, pais e nais, avós e avoas... 

Este é un día de arrepíos, sustos  e medos. Monstros, demos, trasgos,... Grazas á nosa ANPA, teremos no colexio á bruxa  PIRUXA, que nos vai facer morrer de medo a todos os nenos e nenas do cole, e tamén a quen se tope con ela, coas súas historias. Preme no cartaz para ver.

Aínda así, non estades a temblar!!!

Pois escoitade estas historias para non durmir no resto do ano, neste podcast gravado na nosa radio RadioTodiño:

https://radiotodinho.blogspot.com/

Tamén podedes desfrutar e gozar de todas as arrepiantes cabazas que están polas nosas ventás e corredores.

Familias, pais, nais, avós, avoas, cativos e cativas....o Samaín está chegando e precisamos da vosa colaboración para que no cole o desfrutemos todos xuntos.

Animádevos a participar.

Un ano máis aquí temos a nosa revista Alborada, onde este ano, nos centramos nas miradas, outros xeitos de ollar e percibir o mundo que nos rodea,  onde a "nova realidade" nos fixo abrir os ollos e descubrir unha morea de sentementos cara os que nos acompañan a diario.

Hoxe 21 de xuño tivemos a presentación do libro "Paxarada", para o que contamos coa presenza do pintor Manuel Ayaso, a súa filla tamén pintora, Mónica Ayaso, que de xeito totalmente altruista ilustraron coa súa arte, os poemas dos nenos e nenas; a presidenta da nosa Anpa, Mª José, e tamén Unai, tesoureiro. Grazas á Anpa, toda a comunidade educativa vai poder gozar del, pois asumiron o custe total da súa publicación.

Tivemos a sorte que nos adicaron os libros facendo as súas maxistrais ilustracións.

Tamén nos agasallaron cunha fermosa creación , para o colexio.

Para que gocedes toda a comunidade educativa aquí tendes o libro en formato dixital.

O noso alumnado tivo a sorte de poder entrevistala, para saber máis da súa vida e da súa poesía.

Escoitade as súas respostas na nosa emisora de radio escolar RadioTodiño.