Artigos

Boa tarde nenos e nenas:

Como vistes no conto, a eiruga come moitas cousas e de diferentes cores. Por esta razón, a actividade que vos porpoñemos hoxe está centrada nestes dous aspectos: os alimentos e as súas cores.

Elaboraremos unha eiruga de forma que cada círculo do seu corpo sexa dunha cor distinta, as que vos queirades. Para iso, podedes empregar papeis de cores, colorealos ou calquera outro material que vos permita recortar en forma de círculo.

Tendo isto en conta, os máis pequenxs de infantil, teñen que buscar alimentos da cor de cada círculo, facendo así unha asociación e identificando os seus nomes. Os de 4 anos, escribiredes os alimentos escollidos en letras maiúsculas e os de 5 anos, empregando as minúsculas.

Deixámosvos o que elaboramos nós para que vos sirva de exemplo, pero agardamos que as vosas eirugas teñan dispoñibles ricos e variados manxares.

Recordade que tedes ata o 11 de xuño para facernos chegar as fotiños do que fixestes. 

Un bico enorme das larpeiras profes de Infantil.

Ola pequenos meteorólogos! 

Aquí está o rexistro do tempo do mes de maio:

Carmen G. de 5° de E.I



Ana V. de 5° de E.I

 Carmen de 6° de E.I



 E Noa de 6° de E.I

Se vos apetece podedes seguir co rexistro os próximos meses. 

Moitos bicos! 

Ola chicos e chicas! 

Xa poderes ver as vosas fotos e as dos vosos compañeiros/as experimentando con diferentes obxectos e descubrindo se flotan. 

 Moitas grazas por participar! As vosas mestras gozamos moito vendo as vosas fotos! Bicos! 

Aquí vos deixamos as propostas dalgúns compañeiros que foron moi bos "investigadores" e colabaron moito coa súa familia para coñecer máis cousas sobre as eirugas da seda...

Fixestes un bo traballo...!, así da gusto ver que vos interesades polas propostas que vos facemos dende o Equipo de Infantil, grazas unha vez máis...!

Lía:

Ana V.:

Martín:

Olivia:

Sabela:

Sofía (4ª E.I):

Zhoe:

Zoe:

E, despois de investigar podemos responder ás catro preguntas (propostas na entrada do luns 25 de maio):

1.- Son vermes ou eirugas?. Aínda que se lles chama vermes, en realidade son eirugas porque son as que sofren a metamorfose ata converterse en bolboreta mentres que os vermes son sempre o mesmo animal. Teñen tamén diferenzas como as patas: as eirugas sí teñen patas mentres que os vermes non.

2.- Que significa "seda"?. É a fibra natural segregada polas eirugas para elaborar o seu casulo dentro do que se converten en bolboretas.

Despois as persoas, en fabricas, converten ese fío longo e resistente en teas con brillo e suavidade para fabricar roupa como: camisas, blusas, garabatas, panos, batas, pixamas, roupa interior, etc.

3.- Que comen?. As eirugas só comen follas dunhas árbores chamadas moreiras.

4.- Que lles pasa ó longo do tempo?. Despois de nacer do ovo e comer e comer medran moito ata poder construír o seu casulo dentro do que, despois da metamorfose, saen convertidos en bolboretas.

Agora imos ensinarvos como van medrando as nosas eirugas que comen e comen sen parar…upsss…!

Xa vedes que se están facendo maiores e convertiranse en  adultos que pronto empezarán a prepararse para facer o seu casulo…

Ben, pois esperamos que sigades pendentes da web do cole porque o próximo luns 8 de xuño subiremos máis fotos das nosas eirugas para ver cómo seguen...e igual vos propoñemos algunha investigación máis sobre as nosas amigas...

Grazas pola vosa atención, colaboración e o ben que facedes o traballiño...!

Bicos das vosas profes de Infantil.

Ola familias:

Hoxe imos a traballar un pouco de lóxica matemática coa protagonista do conto “Unha eiruga moi larpeira” 

Deixámosvos diferentes propostas en función da idade e coñecementos previos dos nenos/as.  

- Nesta primeira actividade como vedes hai diferentes números nos cadrados (deberemos pór os que coñezan os nenos/as) e eles deberán de colocar tantas boliñas no corpo da eiruga como indica o número (poden ser bólas de plastilina, pompóns, de papel de seda....) 

- Outra opción sería dicirlles aos nenos/as un número e que eles mesmos o escriban e posteriormente peguen as boliñas.

Por último, e a máis complicada sería a seguinte:  

-Os nenos/as tirarán os dados e escribirán en cada un dos  dous primeiros cadrados os números que saian (neste caso escribirían no primeiro cadrado o número 6 e no segundo o 5) 

-Posteriormente colocarán as boliñas no corpo da eiruga

(Poden pór 6 dunha cor e cinco de outra) e finalmente contarán todas as bólas e escribirán o resultado da suma no último cadrado.

*Esperamos as vosas fotos (a data límite é o día 9 de xuño de 2020) 

Moitas grazas por participar e moitas apertas das vosas profes.