Hoxe, no DIA MUNDIAL DOS BOSQUES, quixemos ler un libro da Tepoteca:

Este libro móstranos a importancia de plantar árbores para formar bosques, os beneficios que aporta e toda a vida que crece arredor dunha soa árbore.

Ao finalizar, o alumnano de primeiro, fixo un pequeno debate sobre o tema e comprometeuse a plantar moitas árbores, tentaremos cumplir ese reto.

Seguimos concienciando sobre ODS !!!

Tal e como nos propoñen os nosos amigos de VOZ NATURA, este mes o noso cole acepta o ECO-RETO e PLANTAMOS!!! Nesta ocasión é o alumnado de 4º curso os que se adicaron a preparar a súa parte da horta, arrincaron malas herbas, prepararon a terra e sementaron en vasiños de cartón sementes de leitugas e ravos pequenos, a ver se podemos velos crecer e traspantalos máis adiante.

No cole seguimos investigando!!!! Nesta ocasión foron os pequechos de 6º de infantil os que, coa axuda das súas familias, pescudaron información sobre algúns animaliños do bosque. Logo, mostraron os resultados das súas investigacións ao alumnado de 1º curso de Primaria, quedaron encantados!!!!!

Así di un dos ditos sobre a data de hoxe, 2 de febreiro de 2023.

Para axudar a CREAR SORRISOS MEDIOAMBIENTAIS, imos levar a cabo unha actividade moi bonita no cole.

Primeiro, queremos crear conciencia analizando esta imaxe.

Fotografía:Clive Anthony no Mitchells Plain Hospital, Cidade do Cabo, Sudáfrica.

Temos que coidar moito o noso planeta para evitar situacións coma a que aparece na fotografía, que podemos facer?

Queremos poñer o noso gran de area e imos colocar no patio da nosa escola, casiñas decoradas polo noso alumnado para facilitar un pouco o "confort" aos paxariños da nosa contorna.

Fotografía: pexels.com 

Desta maneira colaboramos a conseguir os ODS 13: Acción polo clima e os ODS 15: Vida de ecosistemas terrestres.

Mostraremos os resutados tan pronto estén rematadas.

O venres , 3 de marzo, dous axentes do Seprona ofreceron unha charla ao alumnado de 5º e 6º de EP sobre o coidado dos montes e protección dos ecosistemas galegos.

A XXII Conferencia das Partes da Convención do Cambio Climático comeza marcada polo resultado da cumbre precedente, celebrada na capital francesa: O Acordo de París. 

Cen países ratificaron  este  convenio  internacional  que entrou en vigor  o pasado  día 4, abrindo unha nova era na loita  contra o calentamento do planeta. 

A Cumbre de Marrakech é a primeira reunión de alto nivel dos países firmantes. 

A  próxima  semana,60  xefes  de  Estado e  de Goberno  participarán  nesta  cumbre, que  finalizará o próximo 18 de novembro.

O alumnado de 5º e 6º asistiu a unha charla impartida por axentes do SEPRONA.Sempre tentando integrar as actividades de educación ambiental na práctica docente, os axentes ensinaron ao alumnado medidas de protección dos nosos montes, como ecosistemas a poñer en valor e conservar. 

                                     O alumnado atende ás explicacións dos axentes.

Omaima, Manuel e Óscar de 6º , dentro do proxecto Voz Natura "Coida a vida, protexe os nosos ecosistemas", explicaron aos seus compañeiros e compañeiras  os elementos dun ecosistema. Para a presentación empregaron un "impress" elaborado por eles mesmos, como produto final  da busca e selección de información.

Momento  da presentación.

O Día Meteorolóxico Mundial conmemora a entrada en vigor, o 23 de marzo de 1950, do convenio polo que se creou a Organización Meteorolóxica Mundial. Un ano despois da súa creación, sería nomeada organismo especializado das Nacións Unidas co obxectivo de asegurar a cooperación en materia meteorolóxica.

A variabilidade do clima está a provocar, cada vez máis, fenómenos extremos que acaban con miles de vidas en diversas rexións do planeta. Por exemplo, entre 1956 e 2005, o número de desastres de orixe meteorolóxica, climática e hidrolóxica  multiplicouse por dez.

En 1993 a ONU designou o 22 de marzo como " Día Mundial da auga".

A auga é un elemento esencial no desenvolvemento sostible. Os servizos hídricos xogan un papel clave na redución da pobreza. A auga ten un impacto positivo en miles de milleiros de persoas ao incidir en cuestións que afectan á seguridade alimentaria e enerxética, saúde e medio ambiente .

                                                                       Vídeo oficial " Día Mundial da auga "