Voz Natura

DÍA DA ÁRBORE

Hoxe é o día da árbore, un día moi importante para o noso centro xa que a nosa Tepomisión é precisamente "o coidado dos nosos montes".

Levamos semanas traballando a figura de Wangari, unha mulller referente para nós, xa que grazas a ela, o seu pobo natal, en Kenia, volve a ter árbores onde antes soamente había deforestación.

No cole fixemos a nosa pequena aportación cultivando sementes.

%count lecturas

2 DE FEBREIRO: DÍA DA CANDELARIA

Xa que temos colocadas as casiñas para os paxariños, o alumnado de 5º de Primaria animouse a crear uns HAIKUS, poesías de orixe xaponés, que nesta ocasión, teñen temática relacionada coas aves.

%count lecturas

DÍA DA EDUCACIÓN MEDIOAMBIENTAL

O 26 de xaneiro é o DÍA DA EDUCACIÓN MEDIOAMBIENTAL, Tepo e Tepa mostráronnos algúns interesantes libros sobre os paxariños e puidemos saber o importante que son as ábores para eles.

Para colaborar a que veñan ao noso patio, colocamos unhas casiñas para eles, a ver se se animan a aniñar nelas!!!!

%count lecturas

TEPO E TEPA ANUNCIAN: NOVA MISIÓN.

Tepo e Tepa tiñan un novo reto para nós.

A decoración dunha árbore de Nadal con elementos naturais. E mirade o ben que quedou...

As rapazas e os rapaces deste cole son uns verdadeiros artistas!

E familias, mil grazas polas vosas achegas. Aquí tedes unha mostra da fantástica decoración de Nadal.

%count lecturas

DÍA DAS BIBLIOTECAS.

Hoxe, martes 24 de outubro, celebramos o Día das Bibliotecas.

Tepo e Tepa tiñan preparado para o todo alumnado unha sorpresiña!

Iniciabamos o novo proxecto!

A continuación tedes unha mostra en imaxes de todo o que fixemos.

Comeza a nosa misión!

%count lecturas

A IMPORTANCIA DAS ABELLAS

O alumnado de Educación Infantil e 1º ciclo de Primaria tiveron unha saída a Apípolis, onde aprenderon a importancia das abellas no coidado do noso planeta.

Xa logo, no noso cole, o alumnado de 2º de primaria investigaron máis en profundidade e quixo compartir os seus coñecementos co resto do cole con este mural informativo tan bonito e interesante.

E os pequechos e pequechas de 1º primeiro tamén aportaron o seu gran de area con esta colmea tan chula!!!

Seguimos cos ODS:

%count lecturas

22 DE MARZO: DÍA MUNDIAL DA AUGA

Hoxe é o DÍA MUNDIAL DA AUGA, un día no que quixemos crear conciencia sobre a importancia de manter as augas limpas, o noso planeta Terra está cuberto case un 70% de auga, así que podedes imaxinar por que temos que ser conscientes do coidado desta gran parte do noso planeta.

Para isto, volvemos a botar man da nosa TEPOTECA, onde hai libros interesantísimos sobre esta temática, nesta ocasión traballamos o conto:

"Alejo"o cangrexo, tiña que cambiar de cuncha e non atopaba máis que lixo no mar e nas praias.

Esta divertida historia, levou a procurar solucións para evitar situacións como a que lle ocorría a "Alejo".

A solución resultou ser moi sinxela, RECICLAR e tirar cada cousa no lugar axeitado. Así que, o alumnado de 1º curso puxémonos mans á obra:

Lemos, investigamos e divulgamos.

Seguimos cos ODS:

%count lecturas

21 DE MARZO: DÍA MUNDIAL DOS BOSQUES

Hoxe, no DIA MUNDIAL DOS BOSQUES, quixemos ler un libro da Tepoteca:

Este libro móstranos a importancia de plantar árbores para formar bosques, os beneficios que aporta e toda a vida que crece arredor dunha soa árbore.

Ao finalizar, o alumnano de primeiro, fixo un pequeno debate sobre o tema e comprometeuse a plantar moitas árbores, tentaremos cumplir ese reto.

Seguimos concienciando sobre ODS !!!

%count lecturas

CAPITÁN VERDEMÁN

Os pequechos de 6º de infantil deron cun libro superchulo que Tepo e Tepa tiñan no expositor do corredor, "O CAPITÁN VERDEMAN, SUPERHEROE DA RECICLAXE" resultou ser unha historia moi divertida e interesante onde nos fai ver a importancia da reciclaxe. Traballaron o conto e fixeron un cartel para colocar na entrada do cole.

Aquí temos aos nosos superheroes e superheroínas, moi concienciados de conseguir UN MUNDO MELLOR!!!!

%count lecturas

3 DE MARZO: DÍA MUNDIAL DA NATUREZA

Coa data desta conmemoración tan importante para nós, no noso cole quixemos realizar varias actividades para festexalo:

LECTURA EN NATUREZA: Tepo e Tepa, as mascotas da nosa biblioteca, sorprendéronnos cun novo e especial recuncho para gozar da lectura, e vaia se non é especial, está no espazo máis natural do noso patio, na zona do monte!!!, onde entre árbores, rochas e manto verde, poderemos deleitarnos coas historias dos contos.

COIDAMOS A NOSA CABANA DE VIMBIOS: aproveitamos esta data para poñer bonita a nosa cabana, podámola e trenzamos ramas que sobresaían, as ramas sobrantes cortámolas en cachiños e foron para o composteiro. Agora temos un espazo máis para poder ler á sombra no cando veña a calor.

RECOLLIDA DE LIXO EN TODO O PATIO: outra actividade para conmemorar este día, recollimos todo o lixo que atopamos no patio, parecía que non había, pero ao final enchemos un saco enteiro!!!que contentos nos puxemos todos ao ver todo limpo, así queremos todos os espazos naturais, libres de lixo!!!!