VISITA A RADIO ARZÚA PARA FALAR DO PREGÓN DA FESTA DO QUEIXO

O 2 de marzo, un grupo de alumnos e alumnas das titorías de 4º EP e 5º EP foron visitar Radio Arzúa para falar de como levaron o confinamento, xa que ata o de agora estas son as únicas aulas do centro que estiveron confinadas debido á Covid-19. Ademais, os de 5º EP comentaron a súa experiencia elaborando unha parte do pregón da Festa do Queixo. 

Este ano encargóusenos desde o Concello aos centros escolares da vila redactar e ler o pregón desta Festa do Queixo virtual, que celebra a súa cuadraxésima sexta edición. Tocoulle esta encomenda ao grupo de 5º EP e, despois dun sorteo realizado entre o alumnado interesado en participar na lectura do pregón, recaeu esta tarefa en Celia Zapata Villar. Ela será quen represente ao CEIP de Arzúa cando se reúnan todas as autoridades na Capela da Madalena para realizar a gravación do pregón, que será emitida este sábado a través das redes sociais do Concello de Arzúa. 

   

  

Déixamosvos aquí o audio do programa que nos reenviou Radio Arzúa. Moitas grazas!!

  PREME AQUÍ

 

Powered by Drupal - Design by artinet