Este curso, o noso centro participa na convocatoria do FOGGA co reparto de leite.
Executáronse as medidas de acompañamento do Programa escolar de consumo de leite e produtos lácteos, impulsadas polo Ministerio de Agricultura, Pesca e Alimentación.
O CEIP de Arzúa foi seleccionado para realizar unha das actividades planificadas no marco deste Programa, consistente en realizar dous talleres con monitora externa para o alumnado de 1º, 2º, 3º e 4º de Primaria.
As actividades que se levaron a cabo foron as seguintes:
1. Cuestionarios
O obxectivo destes cuestionarios é coñecer os hábitos de alimentación dos nenos e nenas antes de participar nos talleres, así como os seus coñecementos sobre o leite, os produtos lácteos e o proceso de producción.
2. Talleres
Nestes talleres presentouse á vaca Lucy, a protagonista da campaña.
e tamén aos personaxes lácteos:
Todos xuntos forman a "Banda láctea"
3. Unha vez que o alumnado está familiarizado coa campaña e coas personaxes, procedeuse a un debate sobre o consumo de lácteos, no que os nenos e nenas contaron que produtos lácteos toman a diario e na fin de semana.
Con esta dinámica participativa, e coa axuda de Lucy, ensináronnos algunhas cousas:
- Inclusión de tres racións de lácteos ao día.
- Procedencia e modo de elaboración dos produtos lácteos.
- A variedade de produtos lácteos que podedes atopar.
Pero Lucy tamén nos contou un segredo:
Díxonos que o seu leite percorre un longo camiño. Antes de todo é muxir, que consiste nun proceso de extracción con axuda dunhas mangueiras.
Despois, o leite almacénase nuns tanques onde se arrefría para poder conservala en perfecto estado.
Logo, transpórtase, sempre ben fresquiña, a unhas instalacións onde a someten a varios procesos. O máis importante é o de PASTEURIZACIÓN. Lucy contounos en que consiste a pasteurización:
Consiste en purificar o leite e destruir calquera xermen que poida conter
Como se realiza a pasteurización?
- A pasteurización realízase con cambios bruscos de temperatura. O leite veu fresquiño e agora quéntano moito e despois vólveno arrefriar, incluso máis ca antes. E así, o leite xa case está listo para chegar ás vosas casas. Só faltaría o proceso de envasado e a distribución ás tendas e supermercados.
Pero Lucy tamén nos dou uns consellos moi saudables para estar fortes e sans coma ela. Ollade!
- Durmir 8 horas diarias
- Facer exercicio físico
- Levar unha dieta variada
- Facer 5 comidas ao día: almorzo, media mañá, xantar, merenda e cea.
4. A continuación, levouse a cabo unha parte práctica que consistiu na realización dalgunha das fichas de actividades creadas ao amparo desta campaña.
5. Para finalizar, agasallouse aos nenos e nenas cun lactómetro para que poidan medir o consumo de lácteos durante a semana.
Podes divertirte coa vaca Lucy e a súa banda de lácteos na seguinte páxina:
https://lucydisfrutaconloslacteos.es/
Anímate!!!
