O alumnado de Infantil-5 anos está a desenvolver o proxecto "A aula por parroquias". Trátase de que as familias, dos nenos e nenas desta aula de Infantil, lles expliquen na aula cousas do patrimonio cultural de Arzúa. Da parroquia de Villantime veu unha nai que lles contou o "San Queremos", unha festa moi peculiar e con raíces moi galegas. E, claro, a música non podía faltar!! Aquí vos deixamos unha mostra do que estamos gozando estes días con estas aportacións das familias do noso alumnado.
Estes son algúns dos traballos que están traendo os nenos e nenas de E. Infantil de 5 anos e que logo lles explican ao resto dos compañeiros e compañeiras.
