No día de hoxe as nenas e nenos de 2º, 3º, 4º, 5º e 6º fumos dando un pequeno paseo pola vila ata chegar a casa da cultura, alí puidemos desfrutar da obra de teatro "A súa vida" da compañía "Leda Teatro". Era unha obra inspirada en historias e contos xa publicados na que se mesturaba o teatro, títeres, clown e contacontos.

A obra tívonos abraiados todo o tempo e contaba a historia dun neno e unha nena que desde que nacen exactamente no mesmo intre, pasarán xuntos o resto da súa vida. Na obra puidemos aprender algo moi importante que é que se damos cariño aos demais, nós tamén recibiremos cariño.

Aquí van algunhas fotos da obra!!!