ENDL

Boas comunidade educativa do Ceip Coutada Beade, dende ENDL trouxemos unha gran chea de novas e interesantes actividades para o curso escolar 2019/2020 que a ben seguro os van deixar coa boca aberta.

Para comezar, traemos ao noso centro "O Roscón de Beade," onde tódalas semanas deste primeiro trimestre aparecerán na cortiza da equipa de ENDL definicións de palabras que comezan ou conteñen a letra da palabra que estamos a atopar. A función dos alumnos/as do centro será a de completar tódalas letras do alfabeto galego do noso particular rosco. A idea xa está creando moita euforia polo centro.

Neste curso a aula de teatro do noso colexio prepararon unha obra baseada na vida do autor homenaxeado este ano nas Letras Galegas: Antón Fraguas.

A aula de teatro está composta por alumnos e alumnas de 6º de primaria,  dirixidos polo Equipo de Dinamización da Lingua Galega.

Esta é unha pequena mostra da interpretación no Festival das Letras Galegas  celebrado no Centro Cultural  da nosa parroquia.

A música que escoitaredes no video é unha escolla de pezas dun grupo de gaiteiros que tiñamos, o século pasado, na nosa cidade, os famosos “Morenos de Lavadores”. Un grupo que tocaba en moitísimas festas, romarías, bailes entroidos, innaguracións, concursos e filmes, e que deixou unha fonda pegada nas futuras xeracións de gaiteiros e percusionistas galegos.

FAI CLIC   

Xa temos, no noso taboleiro do Equipo de Dinamización da Lingua Galega, os traballos de todos os cursos sobre o vocabulario que traballaron sobre o tema do bosque. Aprendemos moitas palabras, algunhas xa as coñeciamos, pero outras non.

É estupendo saber máis sobre os nosos bosques.

Aquí tedes o resultado do traballado.