Skip to Content

FONDO SOLIDARIO DE LIBROS 18-19: Listaxe DEFINITIVA de admitidos e admitidas e libros que lles corresponden.

Publicamos a LISTAXE DEFINITIVA de admitidos e admitidas no Fondo Solidario de Libros de Texto en documentos adxuntos a este artigo e tamén na porta do centro. Nesta listaxe podedes comprobar cales foron os libros concedidos.

Aproveitamos para comunicarvos que os lotes de libros serán entregados, xunto cos CHEQUES DE LIBROS E MATERIAL, a partires de mañá mércores 4 de xullo e ata o venres 6 de xullo en horario de 9:30 a 13:30h.

IMPORTANTE: Tanto os lotes de libros como os cheques só poderán ser entregados á persoa que fixo a solicitude (nai ou pai do alumno ou alumna) ou a calquera outra debidamente autorizada por ela (por escrito e con copia do DNI).

As familias que non poidan recoller os libros/cheques nesta semana poderán facelo en SETEMBRO (informaremos debidamente do horario no seu momento).

Un saúdo,

o Equipo Directivo.

FONDO SOLIDARIO DE LIBROS: Listaxe provisional de solicitudes admitidas. Curso 18/19

Estimadas familias, informamos da publicación da listaxe provisional das solicitudes admitidas no fondo solidario de libros. Tédela á vosa disposición no taboleiro do colexio e, como arquivo adxunto, nesta mesma publicación.

Dispoñedes de dous días para presentar as posibles reclamacións.

 

O vindeiro MARTES 3 de xullo publicaremos as listaxes definitivas e ao día seguinte -MÉRCORES 4 de xullo- daremos comezo ao reparto de cheques e libros. Informaremos debidamente a través da páxina web. 

Un saúdo,

o Equipo Directivo.

Formalización de MATRÍCULA Curso 18/19

Lembramos ás familias con solicitude de praza admitidas no centro de que DEBEN formalizar a matrícula no mesmo para que esta sexa efectiva. 

PRAZO: do 20 ao 30 de xuño

Podedes recoller o impreso no propio centro ou ben imprimilo dende o documento adxunto a este artigo. 

 

DOCUMENTACIÓN A APORTAR:

- 3 fotos tamaño carné.

- Fotocopia do Libro de Familia.

- Fotocopia da Tarxeta Sanitaria.

- Fotocopia da Cartilla de vacinas.

- Fotocopia do DNI.

- Números de teléfono para a aplicación AbalarMóbil.

LIBROS DE TEXTO Curso 18/19

Deixamos en documentos adxuntos (ao final do artigo) as listaxes de libros correspondentes a cada curso de Infantil e Primaria. 

 

OLLO: Posibilidade de libros de 4º e 6º de Inglés descatalogados> consultar de novo as listas!

 

*Lembrade que a resolución do Fondo Solidario de Libros será publicada na páxina web do cole e no propio centro a principios-mediados do mes de xullo; mandaremos aviso a través da aplicación AbalarMóbil.

TEA. Formación.

    O profesorado do centro recibe formación sobre o TEA (Trastorno do Espectro Autista). A conferencia foi impartida por profesionais que traballan a diario con estas persoas , traballadoras da Fundación Menela, e queremos agradecer a  presencia no centro tanto a Iria como a Bibiana.

 

 

     

AXUDAS MUNICIPAIS PARA COMEDOR, LIBROS E MATERIAL ESCOLAR 2018/19

Vimos de recibir no centro os formularios para solicitar as axudas que o Concello convoca para:

AXUDAS PARA LIBROS E MATERIAL ESCOLAR: destinadas a alumnado de Educación Infantil (3, 4 e 5 anos).

AXUDAS PARA COMEDOR ESCOLAR: destinadas a alumnado de Educación Infantil, Educación Primaria e ESO. 

Lembramos que as solicitudes presentaranse no Concello mediante cita previa. Podedes solicitar esta cita a través de: www.vigo.org ou nos teléfonos 010 ou 986 810 260.

Máis información na páxina do Concello: https://sede.vigo.org/expedientes/avisos/aviso.jsp?id=3038&lang=ga

 

PRAZO PARA A PRESENTACIÓN DE SOLICITUDESdo 31 de maio ao 27 de xuño, ámbolos dous incluídos.

 

*Neste caso o centro actuará só como punto de recollida dos formularios e dos folletos informativos. Tamén podedes ver os folletos nos documentos adxuntos a este artigo. Neles podedes ver toda a documentación que precisades para solicitar as axudas.

Traballo de horta de 2º

APRENDENDO A CULTIVAR NA NOSA HORTA

Chegada a primavera e o bo tempo, o alumnado de segundo puxémonos mans a obra,  e xa que estabamos a traballar o tema das plantas,  que mellor que facer unha plantación na horta da escola.

Fixemos os regos, onde puxemos as nosas plantas de Semprevivas, tapámolos e quedou preparada. Todos os días encargámonos de regar a nosas plantas. Tamén quitamos as malas herbas que van medrando ao  redor.

Algunhas das plantas non conseguiron medrar, pero a gran maioría medra con forza.

Seguiremos a coidar das nosas plantas e esperemos que pronto podamos agasallar as nosas familias cun pequeno ramo de flores.

   

   

Mar

AS FAMILIAS TAMÉN SE IMPLICAN NO TEMA DO MAR

 

Seguindo co tema de traballo e investigación deste curso: “O MAR”, desde os Equipos de Dinamización da nosa lingua e de Biblioteca, propuxemos ás familias a súa colaboración para que nos deran a súa visión do mar, e fixeran un traballo que se puidera expoñer nos corredores da escola.

Estes son os estupendos traballos que realizaron estas familias.

Parabéns  e un emocionado agradecemento a todas elas por mostrarnos o seu bo facer.

   

 

   

 

Teatro

AULA DE TEATRO NO FESTIVAL DAS LETRAS GALEGAS

 

Este ano o día das Letras Galegas  dedícase á escritora María Vitoria Moreno, así que desde o Equipo de Dinamización e Normalización Lingüística decidimos adaptar unha das  obras da autora para o Festival co alumnado de  sexto.

Todos os luns,  no tempo do recreo,  a aula de teatro  e o equipo ensaiamos esta obra. Foi moi traballoso, pero o resultado na representación foi marabillosa.

Así, puidemos contar un anaquiño da obra “Mar adiante”, a historia dun barco moi especial, “o arroás”.

 

    

 

    

Festival Letras Galegas 2018

Por fin tedes á vosa disposición o video do Festival.

Saúdos. TIC.

Distribuir contido